CEIP DE PRÉSARAS UNHA ESCOLA CON SALÓN

MATRICÚLATE NO COLE DE PRÉSARAS

Os datos alertan que cada vez a sociedade está máis avellentada e iso é o que nos anima dende o concello a deseñar estratexias de dinamización do noso territorio. O noso “cole” é parte fundamental do noso concello; ahí está o futuro de Vilasantar e por tanto a nosa implicación debe ser máxima. Un dos obxetivos é incentivar a matriculación de nenos da contorna amosando as grandes virtudes que ten.

O noso “cole”, onde os nenos cursan infantil e primaria, destaca pola aposta dunha metodoloxía docente e educativa pioneira, onde os rapaces aprenden através de explorar e descubrir o mundo que os rodea: contan cun horto ecolóxico, onde se familiarizan cos alimentos que van consumir, co seu coidado e o seu cultivo, seguindo os principios da agricultura sostible; por suposto hay comedor escolar propio. No interior destaca a súa afamada e premiada biblioteca, espazo onde interactúan os cativos con todas as artes, forxando lazos e cultivando tanto actitudes como aptitudes.

Destaca tamén o servizo de madrugadores para poder conciliar a vida laboral e a adaptación de todas actividades municipais ao horario dos nenos no colexio.

Todo isto e moito máis pódese comprobar “in situ” nunha visita guiada que se pode solicitar no propio cole no seguinte número de teléfono: 981 77 80 50.