ANUNCIO: Selección de persoal laboral temporal e bolsa de traballo para 2 peóns de obras e servizos municipais, financiado polo PEL Concellos 2024. Publicada o día 14/05/2024

Grazas ao programa PEL Concellos da Deputación da Coruña, contrataremos a dous peóns para traballos de mantemento dos servizos mínimos municipais e tarefas de mellora e mantemento de instalacións, infraestruturas e espazos naturais. O contrato terá unha duración de catro meses e medio a tempo completo e a selección realizarase a través de concurso-oposición.

Pódense presentar candidaturas ata o 29 de maio a través da sede electrónica, nas oficinas municipais ou calquera plataforma oficial habilitada, acompañada de toda a documentación correspondente. Terán preferencia as candidaturas que pertenzan a colectivos con especiais dificultades de inserción laboral.