O GDR Ulla Tambre Mandeo FOMENTA A EDUCACIÓN AMBIENTAL

 

Onte, 20 de xuño de 2018, o Alcalde de Vilasantar, don Fernando Pérez, como representante da Xunta Directiva do Grupo de  Desenvolvemento Rural Ulla Tambre Mandeo fixo entrega os nenos e nenas do Colexio de Présaras do Puzle da Flora e da Fauna do territorio, deseñado e materializado pola asociación.

A iniciativa ten por obxectivo que os máis pequenos do municipio se familiaricen, a través do xogo educativo, coas principais especies da flora e da fauna das comarcas de Arzúa e Melide e do propio concello de Vilasantar.

Como destacou don Fernando Pérez, o GDR busca a través desta acción divulgativa que os nenos e nenas sexan conscientes da riqueza natural do seu entorno máis inmediato, así como da necesidade de protexelo e conservalo, en especial, no referente a aquelas especies que se encontran en peligro de extinción.

Representantes do Grupo de Desenvolvemento Rural Ulla Tambre Mandeo seguirán durante o resto desta semana repartindo o resto de puzles divulgativos entre os distintos concellos, de forma que durante este verán a poboación infantil do territorio poida disfrutalo nos seus fogares.