Novas
Data límite para solicitar os cambios de titularidade na concentracíon parcelaria de San Vicenzo
A directora xeral de Desenvolvemento Rural estableceu o 𝟑𝟎 𝐝𝐞 𝐦𝐚𝐢𝐨 𝐝𝐞 𝟐𝟎𝟐𝟓 como data límite para solicitar cambios de titularidade dos predios de substitución na zona de concentración parcelaria de San Vicenzo de Curtis.
Deberase presentar ante o Servizo de Infraestruturas Agrarias da Coruña:
- Solicitude cambio de titularidade.
- Escritura pública de transmisión da titularidade e liquidación do imposto correspondente.
Só se tramitarán as transmisións da propiedade dos predios de substitución íntegros. En todo caso, a persoa adquirente quedará subrogada na posición da anterior persoa titular, coas limitacións, deberes e obrigas que resulten do proceso.
actividades municipais, eventos
Festa dos maiores 2025
Se tes máis de 60 anos, xa te podes anotar para participar na festa dos maiores! Será o 21 de xuño, comezando cunha misa solemne na igrexa de Présaras ás 13:00 h, para a continuación desprazarnos ao pavillón de Présaras, onde comezará o xantar.
O menú consitirá en empanada de bonito, polbo á feira, xarrete de tenreira galega con patacas e verduras de guarnición, pastel de queixo e tarta de améndoas, café con gotas e augardente do Ulla, viño tinto e branco DO, refrescos e auga. A xornada estará amenizada polo dúo Os Trasnos.
As persoas empadroadas en Vilasantar maiores de 60 anos poderán acudir de xeito gratuíto, mentres que as non empadroadas con vivenda en Vilasantar terán que aboar 20 euros e as que non teñan casa, 30 euros.
Os pagos deberán efectuarse na conta de Abanca ES16 2080 0024 1931 1000 0012, especificando no concepto “Festa dos maiores 2024”, indicando nome, apelidos e DNI. Deberase entregar o xustificante de pago no momento de anotarse.
O día límite para confirmar a asistencia é o 13 de xuño e pódese facer chamando ao 981 778 169 ou na oficina do consistorio.
Novas
Plan Provincial de Cooperación ás obras e servizos de Competencia Municipal (POS 2024)
Subvencións concedidas ao Concello de Vilasantar.
conciliación, Novas
Campamento de Semana Santa
13,14, 15 e 20 de abril
Lugar : Colexio Público de Présaras
ACTIVIDADE FINANCIADA POLA CONSELLERIA DE PROMOCION DO EMPREGO E IGUALDADE E POLO MINISTERIO DE IGUALDADE
- Ofertaranse de forma gratuíta prazas para nenos e nenas de tres a doce anos escolarizados.
- As prazas asignaranse por estrito orde de inscrición, dando prioridade os nenos e nenas empadroados no Concello de Vilasantar. Os non empadroados poderán participar cando queden prazas libres.
- As faltas de asistencia non xustificadas, no caso de existir lista de agarda, poderán ser causa de baixa no servizo.
- Lugar: o campamento terá lugar nas instalacións do CEIP de Présaras.
- Horario: de 10 horas a 14 horas.
- As follas de inscrición entregaranse nas dependencias municipais ou por sede electrónica
- Mais información no : 981 77 81 69
- E recomendable levar auga e un aperitivo saudable para tomar a media mañá.
Axudas
Rede Cultural da Deputación da Coruña
Beneficiarios: os concellos e as entidades sen ánimo de lucro (polo programa Alicerce), xuridicamente constituídas e que teñan entre as súas finalidades a promoción da cultura.
O prazo estará aberto dende o 18 de marzo ata o 1 de abril de 2025.
Poden solicitarse actuacións de música, de teatro, de bandas de gaitas, charangas, magos, danza, etc., tanto os concellos como as entidades sen ánimo de lucro (asociacións e comisións de festas constituídas).
A tramitación dos programas é telemática.
A data de realización dos espectáculos abrangue todo o ano 2025 e ata o 31 de marzo de 2026. As entidades sen ánimo de lucro poden solicitar as actuacións subvencionables pola Deputación entre un 50% ao 70%, polo programa Alicerce. Só poden solicitar unha actuación cada entidade.
Consulta os espectáculos no vínculo: https://www.dacoruna.gal/cultura/rede-cultural/
Para solicitar os espectáculos utiliza o vínculo da SUBTEL: https://sede.dacoruna.gal/subtel/solicitudes
Consulta as Bases publicadas no BOP do día 16-01-2025