O Partido Popular, liderado por Fernando Pérez, renova Alcaldía en Vilasantar

Os resultados electorais do 28-M ratifican a Fernando Pérez como alcalde de Vilasantar, logrando maioría absoluta con 6 concelleiros fronte aos 3 do BNG. A participación da veciñanza nos comicios alcanzou o 80,09%.

«Moitas grazas aos veciños e veciñas que apoiaron a nosa candidatura co seu voto. Hoxe estreamos nova lexislatura, pero coas mesmas ganas de sempre de seguir a traballar para facer medrar Vilasantar.
As portas da Alcaldía están abertas para todo o mundo. É un pracer e un orgullo ser o alcalde da nosa fermosa vila e contar co respaldo da nosa veciñanza«, declara o alcalde Fernando o día seguinte da xornada electoral.