Campamentos deportivos de verán da Deputación da Coruña 2024

Xa está aberto o prazo de preinscrición para os campamentos deportivos da Deputación da Coruña para este verán de 2024. Podes presentar a inscrición na casa do concello ata o 28 de maio.

Ao Concello de Vilasantar correspóndelle a quenda do 30 de xuño ao 5 de xullo, para nenos e nenas empadroadas no municipio nados entre o 1 de xaneiro de 2010 e o 31 de decembro de 2015. Terá preferencia a rapazada que non participase nos campamentos en edicións anteriores.

O campamento terá lugar no IES Rosalía Mera, na rúa Archer Milton Huntington, 24, na Coruña.

Máis información en https://www.dacoruna.gal/deportes/campamentos-deportivos