Axudas, Cultura
Convocatorias para asociacións culturais
Axudas da Deputación a entidades sen ánimo de lucro para a realización de actividades culturais durante o ano 2023. (FO 203/2023)
Bases publicadas no BOP do 20-02-2023
Beneficiarias:
Entidades sen ánimo de lucro con domicilio fiscal na provincia da Coruña ou que acrediten que as actividades obxecto da subvención se realizarán no ámbito territorial desta provincia.
Establécense 4 modalidades desta convocatoria:
MODALIDADE A: Entidades culturais (asociacións culturais e entidades que teñan o seu carácter cultural debidamente acreditado no seus estatutos)
MODALIDADE B: Entidades de natureza veciñal.
MODALIDADE C: Entidades de natureza socioeducativa (ANPAS de centros educativos do ensino público, asociacións pedagóxicas, etc).
MODALIDADE D: Entidades de natureza social e/ou asistencial (entidades que realizan o seu labor de xeito prioritario no campo dos servizos sociais, o medio natural, a igualdade, a memoria histórica, a sensibilización e traballo en valores cívicos e o desenvolvemento territorial e socioeconómico).
Importe do orzamento de gastos: Mínimo 3.000 €
Importe da subvención que se vai conceder: mínimo 1.500 €; máximo en función da modalidade.
A. Entidades culturais: 30.000 €
B. Entidades de natureza veciñal: 10.000 €
C. Entidades de natureza socioeducativa: 10.000 €
D. Entidades de natureza social e/ou asistencial: 10.000 €
Importe solicitado: Ata o 80 % do orzamento de gastos subvencionable.
Compatibilidades:
As entidades que opten por este programa poderán tamén obter subvención nos seguintes programas:
FO204: Programa de subvencións a entidades sen ánimo de lucro para realizar investimentos culturais durante o ano 2023.
FO223: Programa de subvencións a entidades sen ánimo de lucro para o apoio ao desenvolvemento de festivais audiovisuais, musicais e de artes escénicas na provincia da Coruña durante o ano 2023.
Prazo de solicitude: ata o 31 de marzo de 2023.
Axudas da Deputación a entidades sen ánimo de lucro para a realización de investimentos culturais durante o ano 2023. (FO 204/2023)
Bases publicadas no BOP do 20-02-2023
As axudas económicas obxecto deste programa destinaranse á realización de investimentos necesarios para a realización de actividades culturais non excluídas dentro da convocatoria de actividades culturais FO203/2023, por parte das entidades sen ánimo de lucro que forman parte dos ámbitos correspondentes ás seguintes modalidades:
MODALIDADE A: Entidades culturais (asociacións culturais e entidades que teñan o seu carácter cultural debidamente acreditado nos seus estatutos). Dentro desta modalidade diferéncianse dous grupos:
– A1: As entidades culturais sen ánimo de lucro que desenvolven a súa actividade ordinaria no ámbito local ou comarcal dentro da provincia da Coruña.
– A2: As entidades culturais sen ánimo de lucro que desenvolven a súa actividade ordinaria no ámbito supraprovincial.
MODALIDADE B: Entidades de natureza veciñal (asociacións de veciñas e veciños, asociacións xuvenís, de amas de casa, da terceira idade, asociacións de mulleres rurais…).
MODALIDADE C: Entidades de natureza socioeducativa (ANPAS de centros educativos do ensino público, asociacións pedagóxicas, etc).
MODALIDADE D: Entidades de natureza social e/ou asistencial (entidades que realizan o seu labor de xeito prioritario no campo dos servizos sociais, o medio natural, a igualdade, a memoria histórica, a sensibilización e traballo en valores cívicos e o desenvolvemento territorial e socioeconómico).
Gastos subvencionables:
- Equipamentos e moblaxe.
- Realización de reformas, ampliación e mellora de inmobles de titularidade da entidade solicitante.
- Compra de materiais de uso técnico e artístico vinculados ao desenvolvemento da programación das actividades da entidade.
Prazo de solicitude: ata o 31 de marzo de 2023.
Importe da convocatoria: 300.000 €
Importe do orzamento de gastos: Mínimo 3.000 €
Importe da subvención que se vai conceder: Mínimo 1.500 €
Importe solicitado: Ata o 80 % do orzamento de gastos subvencionable
Axudas
PROGRAMA INICIATIVA XOVE 2023 (BS306B)
¿QUE É ?
Son axudas enmarcadas no programa Iniciativa Xove para a posta en marcha de iniciativas xuvenís, entendidas como proxectos liderados pola mocidade da comunidade autónoma de Galicia que se desenvolvan durante o ano 2023 e nas cales as persoas novas participen activamente na planificación e na realización das actividades deseñadas por elas mesmas.
BENEFICIARIOS:
a) Os grupos informais de entre 5 e 8 persoas mozas, debidamente identificadas, con idades comprendidas entre os 18 e 30 anos e empadroadas na Comunidade Autónoma de Galicia.
b) As asociacións xuvenís, as entidades prestadoras de servizos á xuventude e as súas respectivas federacións. Deberán estar inscritas no censo oficial dependente organicamente da Dirección Xeral
de Xuventude, Participación e Voluntariado.
CONTÍA:
Finánciase o 100% do proxecto, cuxo orzamento non poderá ser superior a 5.000 euros.
PRAZO DE PRESENTACIÓN DE SOLICITUDES:
Ata o día 1 de marzo de 2023
ÁREAS DE ATENCIÓN PRIORITARIA:
a) Iniciativa Xove Emprendedora: proxectos que lle permitan á mocidade poñer en marcha as súas ideas no ámbito do emprendemento e da empregabilidade.
b) Promoción de hábitos saudables e prevención de condutas de risco ou violentas entre a poboación xuvenil, así como sensibilización e loita contra calquera forma de discriminación, en especial contra a violencia de xénero.
c) Posta en valor e promoción do Camiño de Santiago e do fenómeno xacobeo.
d) Fomento de actitudes creativas e innovadoras da xuventude na súa comunidade e na súa contorna.
e) Fomento da inclusión social e laboral e da accesibilidade das persoas mozas pertencentes a colectivos con dificultades de integración ou especialmente vulnerables.
f) Promoción de sectores emerxentes vinculados ao sector das tecnoloxías da información e a comunicación (TIC).
g) Fomento da participación e do empoderamento das mulleres novas galegas.
h) Promoción de actitudes e hábitos sustentables e de concienciación sobre o cambio climático, así como de posta en valor do patrimonio cultural e natural.
i) Desenvolvemento e dinamización do medio rural.
j) Dinamización da lingua galega entre a mocidade.
GASTOS SUBVENCIONABLES:
- Consideraranse gastos subvencionables aqueles que de xeito indubidable respondan á natureza do proxecto presentado, resulten estritamente necesarios para levalo a cabo e financien actividades realizadas desde o 1 de xaneiro ata o 15 de outubro de 2023.
- Os gastos ordinarios de funcionamento das entidades só serán subvencionables cando estean asociados co proxecto e recollidos no orzamento de gastos que se reflicte no anexo III. En todo caso, non poderán superar nunca o cinco por cento do orzamento total do proxecto, ou da contía xustificada, de ser esta inferior a aquel.
- O importe total de gastos de manutención, como as comidas, os servizos de restauración ou a compra de produtos alimenticios, non poderá superar o dez por cento do orzamento total do proxecto, ou da contía xustificada, de ser esta inferior a aquel. Ademais, deberán estar vinculados de xeito inequívoco coa actividade que se subvenciona e realizados durante a súa execución material.
Resolución publicada no DOG do día 1-02-2023, n.o 22. Orde do 31 de decembro de 2022 pola que se establecen as bases que rexen as axudas enmarcadas no programa Iniciativa Xove e se procede á súa convocatoria para o exercicio 2023.
OMIX Vilasantar.
Axudas
MR708A – Axudas a proxectos de inversión en actividades non agrícolas
Modernización de empresas existentes mediante maquinaria ou equipamentos en actividades non agrarias.
Prazo ata o 28 de febreiro de 2023
Gastos subvencionables
Con carácter xeral, compra de maquinaria e equipamentos novos que sexan necesarios para desenvolver a actividade produtiva da empresa.
Proxectos subvencionables
Proxectos mínimo 10.000€ e máximo 220.000€ (no sector da artesanía: 5.000€ e 100.000€).
- Adquisición de bens de equipo para mellorar, ampliar e/ou modernizar:
a) Industrias, fábricas e locais destinados á produción de bens e materiais. Non obstante, os investimentos relacionados coa utilización da madeira como materia prima ou fonte de enerxía limitaranse ás operacións de segunda transformación.
b) Transformación e/ou comercialización de produtos agrarios, cando o produto final do proceso de transformación e/ou comercialización derivado dos investimentos non estea incluído no anexo I do Tratado de Funcionamento da Unión Europea (TFUE). Non obstante, para este sector de actividade excluiranse aqueles proxectos cun orzamento elixible superior a 60.000 €.
c) Prestación de servizos en calquera sector económico, con exclusión das empresas de servizos de maquinaria agrícola e forestal e das empresas de servizos enerxéticos
d ) Prestación de servizos sociais (garderías, coidado de anciáns, de persoas con discapacidade, granxas-escola…).
e) Actividades de ocio, recreativas e deportivas.
f) Artesanía e actividades artesanais.
g) Actividades baseadas na innovación tecnolóxica e no comercio electrónico.
h) Actividades nos sectores da enxeñaría, arquitectura, servizos técnicos, limpeza industrial e veterinaria.
i) Comercio polo miúdo de produtos non incluídos no anexo I do TFUE.
Beneficiarios:
- Microempresas e pequenas empresas de zonas rurais.
- Persoas físicas que residan en zona rural (traballadores por conta propia ou autónomos).
- Titulares dunha explotación agraria, ou membros da súa unidade familiar, que diversifiquen as súas actividades en ámbitos non agrícolas e que desenvolvan o seu proxecto na propia explotación.
Contía: 45 % dos gastos subvencionables.
Máis info: AGADER
981547382
http://agader.xunta.es
DOG n.º 20 do 31 xaneiro de 2023
Axudas
Axudas a asociacións durante o 2023 (PR487A)
Axudas a asociacións veciñais, confederacións, federacións ou unións de veciñanza, comunidades de usuarios de augas e asociacións de mulleres rurais de Galicia.
OBXECTO:
Os gastos ocasionados como consecuencia de investimentos realizados en inmobles de titularidade veciñal ou sobre os cales a entidade solicitante ten un dereito de uso por convenio ou por calquera outro título, así como equipamentos necesarios para o seu funcionamento, todos eles orientados ao cumprimento dos fins da entidade, e as obras nas traídas de auga comunitarias.
BENEFICIARIOS:
As asociacións de veciñanza, confederacións, federacións ou unións de asociacións de veciñanza de Galicia, comunidades de usuarios de augas debidamente inscritas no rexistro público correspondente e asociacións de mulleres rurais de Galicia.
PRAZO DE SOLICITUDE: ata o 17 de febreiro de 2023
REQUISITOS:
- As entidades deberán estar, en todo caso, debidamente inscritas no correspondente Rexistro de Asociacións da Comunidade Autónoma de Galicia (central ou provincial), dependentes da Vicepresidencia Segunda e Consellería de Presidencia, Xustiza e Deportes, e conter na súa denominación a identificación como asociación de veciñanza, federación, confederación ou unión de asociacións de veciñanza ou como asociación de mulleres rurais, segundo o caso.
- As comunidades de usuarios de augas deberán estar legalmente constituídas e inscritas no libro do Rexistro de Augas do correspondente organismo de bacía como titulares do aproveitamento de augas para o cal solicitan subvención.
- Non se admitirán as solicitudes das entidades non inscritas na data en que remate o prazo de solicitudes.
CONTÍA:
A axuda económica que se conceda poderá abranguer a totalidade do investimento realizado cun límite máximo por entidade de 12.000 euros para a realización de obras (liña 1, obras) e de 5.000 euros para a dotación de equipamentos (liña 2, equipamentos).
Considéranse subvencionables os seguintes proxectos:
a. Liña 1: as obras de acondicionamento, reforma e ampliación dos locais en que a entidade veciñal ou de mulleres rurais desenvolve a súa actividade e as obras de mellora, reforma e reparación das infraestruturas e instalacións das traídas de auga comunitarias, promovidas por comunidades de usuarios de augas.
b. Liña 2: a adquisición de equipamentos básicos dos locais, necesarios para o funcionamento ordinario da entidade, integrado por mobiliario, equipamentos de oficina, equipamento informático ou equipamento acústico e audiovisual; e a adquisición doutro equipamento ou mobiliario para actividades específicas, que non terá carácter básico.
Publicación: Diario Oficial de Galicia do día 17-01-2023, nº 11
Axudas
Axudas para novas persoas agricultoras, investimento en explotacións agrarias e creación de pequenas explotacións
Prazo solicitude: fin 27 de febreiro de 2023
Axudas á incorporación de mozos á actividade agraria (MR404A)
Persoas beneficiarias: Maior de 18 e menor de 40 anos e se instale nunha explotación agraria por primeira vez como xefa de dita explotación.
Modalidades:
a) Modalidade 1: acceso mediante titularidade exclusiva dunha explotación preexistente ou de nova creación.
b) Modalidade 2: acceso mediante cotitularidade dunha explotación agraria.
c) Modalidade 3: integración como persoa socia nunha entidade asociativa, preexistente ou de nova constitución.
d) Modalidade 4: acceso mediante titularidade compartida da explotación.
e) Modalidade 5: acceso cando, sendo titular dunha explotación agraria cuxa marxe neta non supere o 20% da renda de referencia, pase a ser titular dunha explotación prioritaria.
f) Modalidade 6: acceso cando, sendo titular dunha explotación agraria cuns niveis de dedicación de tempo de traballo e de renda unitaria de traballo inferior aos mínimos establecidos para os titulares de explotacións prioritarias, alcance esta consideración en calidade de agricultor a título principal.
Contía: A axuda concederase pola execución do plan empresarial e consistirá nunha prima cuxa contía básica, calculada de acordo cunha estimación dos custos da Seguridade Social da persoa moza durante os cinco anos de permanencia mínima na actividade agraria, establecida en 25.000 euros, e poderá incrementarse segundo as situacións recollidas, sen que a axuda total supere os 70.000 €.
Axudas para investimentos nas explotacións agrarias (MR405A)
Persoas beneficiarias:
Persoas físicas ou xurídicas titulares de explotacións agrarias. Persoas agricultoras mozas que se instalen nunha explotación de nova creación.
Custos subvencionables:
a) Reforma ou construción de instalacións e compra de maquinaria que supoñan unha redución de custos de produción ou un incremento na produtividade.
b)Custos xerais vinculados aos gastos recollidos anterioremente: honorarios de elaboración dos proxectos, os estudos de viabilidade, as licenzas de software e outros permisos.
c) Compra de construcións agrarias en desuso.
d) Plantación e mellora de cultivos leñosos de aptitude frutícola (árbores e arbustos froiteiros)
e) Compra de terreos que non formasen parte da explotación, por un valor inferior ao 10% do custo subvencionable.
f) Adquisición ou desenvolvemento de programas informáticos.
Contía: O importe da axuda será do 30 % dos custos elixibles, que poderá incrementarse ata un máximo do 50 % en función da aplicación dos diferentes criterios.
Axudas para o desenvolvemento de pequenas explotacións agrarias (MR405B)
Persoas beneficiarias: Persoas físicas ou xurídicas titulares de explotacións agrarias:
a) Ser titular dunha pequena explotación agraria inscrita, con polo menos unha antigüidade dun ano desde a data de publicación da orde, no Rexistro de Explotacións Agrarias de Galicia.
b) Residir na comarca onde radique a explotación ou nunha comarca limítrofe. No caso de titularidade de persoas xurídicas, estas deberán ter o domicilio fiscal na comarca ou nunha comarca limítrofe.
c) Que o volume de traballo necesario para o mantemento da explotación sexa realizado polo titular da explotación, para o que será necesario que non realice outra actividade a tempo completo, ou que xustifique a contratación de, polo menos, a metade dunha unidade de traballo agrario.
d) Presentar un plan empresarial que mostre a viabilidade da iniciativa.
e) Non pode ter sido concesionaria por esta mesma axuda.
Contía: A axuda consistirá nunha prima de 15.000€, e concederase pola execución do plan empresarial, que terá unha duración de 18 meses desde a aprobación da axuda.
Máis info: DOG nº 18 26 de xaneiro de 2023 e Xunta de Galicia – Consellería do Medio Rural Xefatura Territorial da Consellería do Medio Rural da Coruña. Servizo de Explotacións Agrarias da Coruña.
R/ Vicente Ferrer, 2 – 15008 A Coruña
Teléfonos: 981184554 / 981182256
Axudas
Información de axudas a entidades sen ánimo de lucro (asociacións) e clubs deportivos
Axudas a ENTIDADES DEPORTIVAS para infraestruturas e equipamento deportivo durante o ano 2023: FO104/2023
Esta convocatoria pretende apoiar as entidades deportivas sen ánimo de lucro para que poidan mellorar as súas instalacións e dotarse do equipamento necesario para mellorar a súa práctica deportiva.
- Destinatarios: entidades de carácter deportivo sen fins de lucro, inscritas no Rexistro de Entidades Deportivas da Xunta de Galicia, legalmente constituídas e con domicilio fiscal na provincia da Coruña que cumpran os requisitos establecidos na Ordenanza xeral de subvencións e transferencias no momento de presentaren a solicitude.
- Gastos subvencionables:
As axudas económicas obxecto da presente convocatoria destinaranse a realización de investimentos deportivos directamente relacionados coa modalidade coa que figure inscrita no rexistro de entidades deportivas. Únicamente serán obxecto de axuda os gastos por adquisición, rehabilitación ou mellora de instalacións propias da entidade (non alugadas ou cedidas); obra nova; bens inventariables; e equipamentos.
- Importe do orzamento de gastos: mínimo 5.000 €, máximo 50.000 €
- Importe da subvención que se debe conceder: de 1.000 € a 40.000 €
- Importe solicitado: do 20% ao 80% do orzamento de gastos subvencionable
- Prazo de solicitude: ata o día 17-02-2023
- Convocatoria: BOP nº 8, do 12-01-2023
Subvencións a CLUBS DEPORTIVOS con equipos ou deportistas que participen en competición federada de ámbito nacional ou internacional durante o ano 2023. FO103C/2023
- O obxecto deste programa é financiar exclusivamente os gastos derivados da súa participación en competicións oficiais federadas de ámbito nacional ou internacional.
- Beneficiarios: clubs deportivos, sen fins de lucro, legalmente constituídos e con domicilio fiscal na provincia da Coruña, con equipos ou deportistas que participen en competición federada de ámbito nacional ou internacional durante o ano 2023.
- Gastos subvencionables: compras de bens destinados a actividade (só roupa damequipación oficial do equipo que compite no ámbito nacional ou internacional); compras doutros aprovisionamentos; lavandería, seguridade, probas de detección COVID; arrendamento de vehículos, instalacións deportivas ou material deportivo; servizos de profesionais independentes (fisioterapeutas, médicos); transportes; seguros; aloxamento para o desenvolvemento da actividade; soldos e salarios (técnico deportivo, adestrador, preparador físico…); dereitos de arbitraxe; licenzas de federación; inscricións (…)
- Importe do orzamento de gastos: máximo 100.000 €
- Importe solicitado: máximo do 80% do orzamento de gastos subvencionable
- Prazo de presentación da solicitude: pendente de abrir por extracto da Deputación da Coruña
- Convocatoria: BOP nº 8, do 12-01-2023
Subvencións a CLUBS DEPORTIVOS da provincia, sen ánimo de lucro, con equipos ou deportistas que participen en competición federada de ámbito local, provincial ou autonómico durante o ano 2023. FO103B/2023
- O obxecto deste programa é financiar os gastos derivados da súa participación en competicións oficiais federadas de ámbito local, provincial ou autonómico.
- Beneficiarios: Clubs deportivos da provincia que conten con algún equipo ou deportista (no caso de deportes individuais) que participen en competicións oficiais federadas de ámbito local, provincial ou autonómico durante o ano 2023.
- Gastos subvencionables: compras de bens destinados a actividade (só roupa da equipación oficial); compras doutros aprovisionamentos; arrendamento de vehículos, instalacións deportivas ou material deportivo; transportes; seguros; aloxamentos para o desenvolvemento da actividade; soldos, salarios e seguridade social (técnico deportivo, adestrador, fisioterapeuta, preparador físico..); dereitos de arbitraxe: licenzas federación; inscricións
- Importe do orzamento de gastos: mínimo 5.000 € e máximo 45.000 €
- Importe da subvención que se debe conceder: de 1.000 € a 36.000 €
- Importe solicitado: do 20% ao 80% do orzamento de gastos subvencionable
- Prazo de presentación da solicitude: pendente de abrir por extracto da Deputación da Coruña
- Convocatoria: BOP nº 8, do 12-01-2023
Subvencións a ENTIDADES da provincia, sen ánimo de lucro, para a realización de actividades de fomento da actividade física e do deporte durante o ano 2023. FO103A/2023.
- O obxecto específico deste programa concrétase en tres modalidades ou liñas, de xeito simultáneo ou alternativo:
1. A realización de actividades conducentes á mellora da condición física, a ocupación activa do tempo de lecer, o deporte de carácter afeccionado ou popular e a participación en competicións deportivas que non sexan federadas.
2. A promoción social da práctica e dos valores deportivos que se realice mediante a organización de actividades de formación, difusión e divulgación do deporte e dos valores deportivos. Poderán consistir en charlas, talleres, cursos, organización de simposios e xornadas de debate.
3. A organización de competicións deportivas federadas ou non federadas. - Beneficiarios: entidades da provincia, sen ánimo de lucro, incluídas as federacións deportivas, que realicen actividades de fomento da actividade física e do deporte dentro da provincia. Os clubs deportivos poden solicitar subvención neste programa, pero quedan excluídos os gastos derivados da súa participación en competicións oficiais federadas, para os que poden solicitar subvención nos programas específicos FO103B/2023 e FO103C/2023, que son incompatibles con este programa
- Gastos subvencionables:
- 600 Compras de bens destinados á actividade (material deportivo non inventariable).
- 602 Compras doutros aprovisionamentos. Material COVID (máscaras, xel hidroalcohólico, termómetros).
- 607 Traballos realizados por outras empresas para o desenvolvemento da actividade.
- 621 Arrendamentos e canons (arrendamentos de maquinaria, vehículos, locais ou
instalacións). - 623 Servizos profesionais independentes (honorarios de profesionais independentes).
- 624 Transportes (utilización de medios de transporte a cargo da entidade realizados por terceiros para o desenvolvemento da actividade. Non se admite transporte particular)
- 625 Primas seguros (seguros deportivos e outros relacionados coa actividade deportiva)
- 627 Publicidade e propaganda
- 640 Soldos e salarios (persoal deportivo)
- 642 Seguridade Social a cargo da entidade (persoal deportivo)
- 651 Axudas non monetarias (trofeos, medallas)
- 652 Dereitos da arbitraxe
- 656 Gastos de participación en competición deportiva non federada ( inscricións)
- Importe do orzamento de gastos: mínimo 5.000 € e máximo 37.500 €
- Importe da subvención que se debe conceder: de 1.000 € a 30.000 €
- Importe solicitado: do 20% ao 80% do orzamento de gastos subvencionable
- Prazo de presentación da solicitude: ata o 17-02-2023
- Convocatoria: BOP nº 8, do 12-01-2023
Máis información no Boletin Oficial da Provincia da Coruña do día 12-01-2023 e no Concello de Vilasantar (técnica de cultura).
Axudas, Novas
Axudas DOG nº 11 do 17 de xaneiro de 2023
Axudas para investimentos en inmobles de asociacións
PR487A – Subvencións destinadas a asociacións veciñais, confederacións, federacións ou unións de asociacións de veciños, comunidades de usuarios de augas e asociacións de mulleres rurais de Galicia con inmobles da súa titularidade ou dos cales lles corresponda o dereito de uso e traídas de augas veciñais.
Fin solicitudes: 17/02/2023
Subvención o 100% da contía e posibilidade de pagamento anticipado.
Requisitos: estar inscritas no Rexistro de Asociacións de Galicia e as comunidades de augas inscritas no libro do Rexistro de Aguas.
*Obrigatorio presentar a solicitude por medios electrónicos.
*Pódense solicitar as 2 liñas.
Liña 1: Máximo 12.000 €
- Obras de acondicionamento, reforma e ampliación dos locais ( mellora da accesibilidade e supresión de barreiras arquitectónicas, mellora e reparación da estrutura e da cuberta do edificio, obras sobre fachadas, instalación ou cambio de ventás, paramentos interiores, pavimentos ou teitos e obras en instalacións de fontanería, saneamento, electricidade ou calefacción)
- Obras de reforma e reparación das infraestruturas e instalacións de traídas de auga.
Liña 2: máximo 5.000 €
Equipamentos básicos dos locais, mobiliario, equipamento oficina, informatizo, acústico ou audiovisual e outro para actividades específicas.
Non subvencionables: gastos correntes, alugamentos de locais, elementos ornamentais e
teléfonos móbiles.
Máis info:
http://cpapx.xunta.gal
administracionlocal@xunta.gal
981546211 / 881997258
Axudas corrección impactos paisaxísticos para particulares
MT402A – Programa de axudas para actuacións de corrección de impactos paisaxísticos destinadas a persoas físicas titulares dun inmoble ou ben.
Fin solicitudes: 17/02/2023
Importe: máximo 70% do orzamento e máximo 3.000 €
a) Actuacións de restauración e/ou revestimento de elementos da fachada:
- Revestimento do ladrillo, bloques de formigón, morteiro de cemento.
- Acabar os paramentos cegos de fachadas, carpintarías e cerrallarías exteriores con deficiente estado de conservación (elementos descascados, humidades ou manchas permanentes).
- Aplicación ou renovación dos morteiros de rexuntado das fachadas de cachotaría ou cantaría (excluídas substitución de carpintarías, cerrallarías exteriores e picado de recebos).
b) Remate, renovación e/ou substitución do acabamentos exterior de cubertas:
- Cubertas en deficiente estado de conservación e substitución de cubertas de placas de fibrocementos e outros materiais discordantes. Inclúe: unidades de obra imprescindibles para o soporte non estrutural (excluídas: vigas, soportes, pontóns), remate ou renovación das cubertas.
Acabamentos das cubertas con tella cerámica.
c) Recuperación, restauración e/ou renovación de muros de peche de terreos.
- Revestimentos do ladrillo e/ou bloques de formigón sen revestir.
- Redución da altura dos muros.
- Recuperación, restauración ou arranxo de muros de pedra tradicionais.
Gastos subvencionables:
Material de obra, man de obra, gastos honorarios facultativos e tributos aboados.
Están excluídas as actuacións que se resolvan con labores de limpeza.
Máis info: Instituto de Estudos do Territorio
secretaria.iet@xunta.gal
981541755
Axudas para renovación de electrodomésticos
IN414C – Subvencións renovación de electrodomésticos para persoas físicas.
IN414C- Selección entidades colaboradoras para a xestión de renovación de electrodomésticos: presentación adhesión 18/01/2023 a 30/06/2023.
Prazo solicitudes: 8 de febreiro de 2023 a 30 de setembro de 2023.
Renovación de electrodoméstico con entrega do retirado a un xestor autorizado.
A cantidade subvencionable non poderá ser superior o:
– 25% para o consumidor xeral.
– 50% para o consumidor vulnerable.
– 75% para o consumidor vulnerable severo.
*Son considerados consumidores vulnerables os beneficiarios do bono social eléctrico.
Máis info:
www.inega.gal
inega.info@xunta.gal
981541500