Axudas
AXUDAS DA XUNTA DE GALICIA A ASOCIACIÓNS VECIÑAIS, CONFEDERACIÓNS, FEDERACIÓNS OU UNIÓNS DE ASOCIACIÓNS DE VECIÑOS, COMUNIDADES DE USUARIOS DE AUGAS E ASOCIACIÓNS DE MULLERES RURAIS DE GALICIA (PR487A), PARA O ANO 2026
OBXECTO: os gastos ocasionados como consecuencia de investimentos realizados en inmobles de titularidade veciñal ou sobre os cales a entidade solicitante ten un dereito de uso por convenio ou por calquera outro título, así como equipamentos necesarios para o seu funcionamento, todos eles orientados ao cumprimento dos fins da entidade, e as obras nas traídas de auga comunitarias.
BENEFICIARIOS: as asociacións de veciños, confederacións, federacións ou unións de asociacións de veciños de Galicia, comunidades de usuarios de augas debidamente inscritas no rexistro público correspondente e asociacións de mulleres rurais de Galicia.
Prazo de solicitude ata o 20 de abril de 2026.
REQUISITOS:
1. As entidades deberán estar, en todo caso, debidamente inscritas no correspondente Rexistro de Asociacións da Comunidade Autónoma de Galicia (central ou provincial), dependentes da Vicepresidencia Primeira e Consellería de Presidencia, Xustiza e Deportes, e conter na súa denominación a identificación como asociación de veciños, federación, confederación ou unión de asociacións de veciños ou como asociación de mulleres rurais, segundo o caso.
2. As comunidades de usuarios de augas deberán estar legalmente constituídas e inscritas no libro do Rexistro de Augas do correspondente organismo de bacía como titulares do aproveitamento de augas para o cal solicitan subvención.
3. Non se admitirán as solicitudes das entidades non inscritas na data en que remate o prazo de solicitudes.
CUANTÍA: A axuda económica que se conceda poderá abranguer a totalidade do investimento realizado cun límite máximo por entidade de 12.000 euros para a realización de obras (liña 1. obras) e de 5.000 euros para a dotación de equipamentos (liña 2. equipamentos).
Considéranse subvencionables os seguintes proxectos:
a. Liña 1: as obras de acondicionamento, reforma e ampliación dos locais en que a entidade veciñal ou de mulleres rurais desenvolve a súa actividade e as obras de mellora, reforma e reparación das infraestruturas e instalacións das traídas de auga comunitarias, promovidas por comunidades de usuarios de augas.
b. Liña 2: a adquisición de equipamentos básicos dos locais, necesarios para o funcionamento ordinario da entidade, integrado por mobiliario, equipamentos de oficina, equipamento informático ou equipamento acústico e audiovisual; e a adquisición doutro equipamento ou mobiliario para actividades específicas, que non terá carácter básico.
Publicación: Diario Oficial de Galicia do día 18-03-2026, nº 52
Axudas, Cultura
REDE CULTURAL 2026
Beneficiarios: Concellos e entidades sen ánimo de lucro (polo programa Alicerce) xuridicamente constituídas que teñan entre as súas finalidades a promoción da cultura.
Prazo aberto ata o 20 de marzo de 2026 ás 14:00 h. Tramitación telemática.
Poden solicitarse actuacións de música, teatro, bandas de gaitas, charangas, magos, danza, etc. Data de realización dos espectáculos todo o 2026 e ata o 31 de marzo de 2027.
As entidades sen ánimo de lucro poden solicitar as actuacións subvencionables pola Deputación da Coruña entre un 30% e 70%, polo programa Alicerce. Só unha actuación por entidade.
Consulta os espectáculos: www.dacoruna.gal/cultura/rede-cultural/
Para solicitar os espectáculos emprega o vínculo SUBTEL: https://sede.dacoruna.gal/subtel/solicitudes
Consulta as bases no BOP do día 19-12-2025.
Axudas, Novas
Axudas da Deputación da Coruña para asociacións veciñais e de mulleres para actividades de promoción económica no 2026
Axudas da Deputación a asociacións veciñais de concellos de menos de 5.000 habitantes e asociacións de mulleres da provincia da Coruña, para a realización de actividades de promoción económica no ano 2026 (DP0042A/2026)
Bases publicadas no BOP do día 5-01-2026. Extracto no BOP do día 15-01-2026
O obxecto da presente convocatoria destinarase á realización de actividades tendentes a dinamizar a participación, estimular a cohesión social, potenciar as condutas cívicas, favorecer a integración, loitar contra a despoboación rural, así como mellorar a calidade de vida das persoas, por parte das entidades sen ánimo de lucro que formen parte dos seguintes ámbitos:
Eixo 1: Dirixido ás asociacións veciñais de concellos de menos de 5.000 habitantes
Destinarase á realización de actividades por parte das asociacións veciñais de concellos de menos de 5.000 habitantes. Para os efectos desta convocatoria enténdese por actividade subvencionable todas
aquelas actividades de interese xeral no ámbito parroquial, municipal ou comarcal, tales como:
– Programas e metodoloxías de participación cidadá que faciliten a apertura de procesos participativos nos que poidan tomar parte veciños e veciñas dunha parroquia ou barrio concreto ou ben de todo o Concello.
Abrir espazos de debate, de intercambio de ideas ou elaboración de propostas, incorporando mecanismos de participación cidadá.
– Proxectos, programas e/ou actividades de lecer, formativas e educativas, valiosas para toda a cidadanía da parroquia, barrio ou concello, sen ser necesario ter a condición de socio/a para participar nelas (información e formación en condutas cívicas ou mellora de hábitos en relación coa contorna, talleres, cursos, conferencias, ou calquera outro formato que se considere oportuno) e que favorezan a participación activa da cidadanía na vida do Concello.
Eixo 2: Dirixido ás asociacións de mulleres
Destinarase á realización de actividades por parte das asociacións de mulleres:
– Programas e metodoloxías de participación cidadá que faciliten a apertura de espazos de socialización, espazos seguros nos que poidan tomar parte as mulleres co obxectivo de facilitar a súa participación social, económica e política na súa contorna. Abrir espazos de debate, de intercambio de ideas ou elaboración de propostas, incorporando mecanismos de participación cidadá.
– Proxectos, programas e/ou actividades, que fomenten o envellecemento activo e saudable, o coidado da saúde a promoción de hábitos de vida saudables e sostibles, compatibles coa conservación do entorno rural. Actividades de información e formación en condutas cívicas ou mellora de hábitos en relación coa contorna, talleres, cursos, conferencias, ou calquera outro formato que se considere oportuno e que favorezan a participación activa da cidadanía na vida do Concello.
– Proxectos, programas e/ou actividades encamiñadas ao empoderamento das mulleres,
ao fomento do emprendemento e ao fomento e consolidación do asociacionismo,
mediante a realización de actividades de difusión, formación ou acompañamento.
– Actividades de acompañamento e atención a mulleres en situación de vulnerabilidade ou
mulleres en risco de exclusión social.
– Actividades, programas encamiñados a loita contra a soidade non desexada,
especialmente para facilitar o acompañamento das mulleres maiores e con dificultades de
acceso aos servizos básicos.
Importe da subvención que se vai conceder: de 1.200 a 10.000 euros.
Prazo de solicitude: dende o 16-01-2025 ata o 16-02-2026, ás 14:00 horas.
Axudas
Axuda en materia de residuos para o Concello de Vilasantar
O CONCELLO DE VILASANTAR resultou beneficiario das axudas destinadas a entidades locais galegas para o financiamento de actuacións en materia de residuos de competencia municipal para a implantación de recollidas separadas de biorresiduos, aceites de cociña usados e téxtiles. Fondos de recuperación e resiliencia na actuación L2 – COMPOSTAXE, cunha axuda concedida de 5445 no procedemento MT975T. Sendo esta unha operación cofinanciada pola Unión Europea, a través do fondo europeo relativo ao Mecanismo de Recuperación e Resiliencia da UE — NextGenerationEU.
Axudas
Programa de promoción da igualdade e prevención da violencia de xénero de Vilasantar, cofinanciado con fondos da Unión Europea
O Concello de Vilasantar foi beneficiario dunha subvención da Xunta de Galicia e cofinanciada pola Unión Europea para a realización do Programa de promoción da igualdade e prevención da violencia de xénero. Grazas a esta axuda puideron levarse a cabo o longo deste ano 2025 distintas actuacións:
- Taller de Autoestima
- Intervención e Asesoramento da Muller Emigrante
- Prevención da Violencia en Menores Vulnerables
- Lidera en Feminino
O desenvolvemento destas actividades permitiu:
- Mellorar a autoestima, a confianza e a autonomía das participantes.
- Fomentar a igualdade e a diversidade, cuestionando estereotipos de xénero.
- Previr situacións de violencia en menores e mulleres adultas.
- Incorporar a perspectiva de xénero de xeito transversal, garantindo a creación de espazos inclusivos e respectuosos.
Estas actuacións contribúen de maneira significativa aos obxectivos do Concello de Vilasantar en materia de igualdade, prevención da violencia e fortalecemento do tecido social. O enfoque integral e a combinación de metodoloxía participativa, educación emocional e sensibilización permiten que os programas teñan un impacto duradeiro na vida das persoas participantes.
Axudas, Cultura
Convocatorias e certames 2025
XX premio internacional “José Núñez” de arte gráfica
Bases publicadas no BOP 30-01-2025
Poderán optar ao premio todas as persoas maiores de idade, que non obtivesen o premio nos cinco anos anteriores a este, e que presenten obras non premiadas en ningún outro concurso ou certame. Establécese un premio dotado con 6.500 euros e unha exposición na Fundación CIEC.
Prazo de presentación de solicitudes: dende o 10 de febreiro ao 10 de abril de 2025.
XV premio “Manuel Murguía” de ensaio
Bases publicadas no BOP 30-01-2025
Poderán optar ao premio todas as persoas maiores de idade, que non obtivesen o premio nos cinco anos anteriores a este, e que presenten obras non premiadas en ningún outro concurso ou certame.
Establécese un premio dotado con 6.500 euros.
Prazo de presentación de solicitudes: dende o 10 de febreiro ao 10 de abril de 2025.
XIX premio “Raíña Lupa” de literatura infantil e xuvenil
Bases publicadas no BOP 30-01-2025
Poderán optar ao premio todas as persoas maiores de idade, que non obtivesen o premio nos cinco anos anteriores a este, e que presenten obras non premiadas en ningún outro concurso ou certame.
Establécese un premio dotado con 6.500 euros.
Prazo de presentación de solicitudes: dende o 10 de febreiro ao 10 de abril de 2025.
XXXVII Premio Internacional “Torrente Ballester” de narrativa en lingua castelá e lingua galega
Bases publicadas no BOP 30-01-2025
Poderán optar ao premio todas as persoas maiores de idade, que non obtivesen o premio nos cinco anos anteriores a este, e que presenten obras non premiadas en ningún outro concurso ou certame.
Establécese un premio dotado con 15.000 euros.
Prazo de presentación de solicitudes: dende o 10 de febreiro ao 10 de abril de 2025.
XX Premio “Castelao” de banda deseñada
Bases publicadas no BOP 30-01-2025
Poderán optar ao premio todas as persoas maiores de idade, que non obtivesen o premio nos cinco anos anteriores a este, e que presenten obras non premiadas en ningún outro concurso ou certame.
Establécense dous premios dotados con 6.500 euros cada un deles.
Prazo de presentación de solicitudes: dende o 10 de febreiro ao 10 de abril de 2025.
IX premio “Begoña Caamaño” á acción cultural pola igualdade de xénero
Bases publicadas no BOP 03-02-2025
Poderán presentar candidaturas argumentadas para a concesión do premio todas as persoas maiores de idade ou persoas xurídicas interesadas na promoción da igualdade de xénero e o pensamento feminista desde o campo da cultura.
Establécense dous premios dotados con 6.500 euros.
Prazo de presentación de solicitudes: dende o 10 de febreiro ao 10 de abril de 2025.
XIX Certame de arte “Isaac Díaz Pardo”
Bases publicadas no BOP 3-02-2025
Poderán participar todas as persoas maiores de idade nacidas ou residentes en Galicia, que traballen no campo da arte, que non fosen premiadas neste certame nas cinco edicións anteriores e que presenten unha obra non premiada en ningún outro premio ou certame.
Establécese un premio dotado con 15.000 euros.
Prazo de presentación de solicitudes: dende o 10 de febreiro ao 10 de abril de 2025.
XVII Concurso Fran Pérez “Narf” para grupos e artistas musicais
Bases publicadas no BOP 3-02-2025
Poderán participar calquera grupo ou artista musical galego ou residente en concellos galegos, do ámbito da música pop e variantes, que non fosen finalistas nin obtivesen o premio nos dez anos anteriores a este, e que presenten obras inéditas e non premiadas con anterioridade en ningún outro premio ou certame.
Establécese un premio de 4.000 euros, outro segundo premio de 2.000 euros e un
terceiro premio de 1.500 euros.
Prazo de presentación de solicitudes: dende o 10 de febreiro ao 10 de abril de 2025.
Axudas
Subvencións para obras e equipamentos dos locais das asociacións veciñais, comunidades de augas e asociacións de mulleres rurais de Galicia
Xunta de Galicia (PR487A)
Fin prazo presentación solicitudes: 17 de febreiro de 2025
Destinatarios: Asociacións veciñais, comunidades de usuarios de augas, asociacións de mulleres rurais de Galicia.
Obras (máximo axuda 12.000 €):
- Obras de acondicionamento, reforma e ampliación dos locais: mellora da accesibilidade, melloras no tellado, obras nas fachadas, instalación ou cambio de ventás, paramentos interiores, pavimentos
ou teitos, instalacións de fontanaría, saneamento, electricidade ou calefacción… - Obras de mellora nas traídas de auga comunitarias: para minimizar as perdas de auga, a mellora da xestión e o control da auga, a optimización da eficiencia e o aforro enerxético…
Equipamentos (máximo axuda 5.000 €)
- Equipamentos básico dos locais, mobiliario, equipamentos de oficina, equipamento informático, acústico ou audiovisual, outro equipamento ou mobiliario para actividades específicas, que non terá carácter básico.
Non subvencionan entre outros: gastos correntes das entidades, material funxible, luz, auga, teléfono, alugamentos de locais e similares, a adquisición de elementos decorativos nin a compra de móbiles.
Máis info:
DOG nº 9 do 15/01/2025
Dirección Xeral de Administración Local
981546579
administracionlocal@xunta.gal
Axudas
Convocatorias de axudas da Deputación da Coruña
Bases reguladoras do programa de subvencións a entidades sen fins de lucro para realizar investimentos culturais durante o ano 2025 (FO204/2025) Bases publicadas no BOP do 10-12-2024.
Beneficiarias: entidades culturais, entidades veciñais e de tempo libre, entidades socioeducativas, entidades sociais e asistenciais, entidades representativas dos diferentes sectores profesionais e amadores da cultura galega, fundacións e entidades titulares de museos; centros de interpretación ou bibliotecas.
Tipos de investimentos a subvencionar: obras; realización de reformas, ampliación e mellora de inmobles propiedade da entidade solicitante ou sobre os que teña a cesión de uso por un mínimo de 10 anos desde a data de presentación da solicitudes. Equipamentos; mobiliario, equipamentos informáticos, material técnico e artístico vinculado ao desenvolvemento da programación das actividades da entidade (vestiario, instrumentos, atrís, partituras…).
Importe do orzamento de gastos: sen límite.
Importe da subvención que se vai conceder: mínimo: 3.000 euros e máximo en función da modalidade:
A. Entidades culturais: 15:000 euros.
B. Entidades veciñais e de tempo libre: 10.000 euros.
C. Entidades socioeducativas: 10.000 euros.
D. Entidades sociais e asistenciais: 10.000 euros.
E. Entidades representativas dos diferentes sectores profesionais e amadores da cultura galega: 15.000
euros.
F. Fundacións e entidades titulares de museos, centros de interpretación ou bibliotecas: 15.000 euros.
Importe solicitado: ata o 80 % do orzamento de gastos subvencionable.
Prazo de solicitude: ata o 16-01-2025 (ás 14:00 horas).
Bases reguladoras do programa de subvencións a entidades sen fins de lucro para realizar actividades culturais durante o ano 2025 (FO203/2025). Bases publicadas no BOP do 10-12-2024
Beneficiarias: entidades culturais, entidades veciñais e de tempo libre, entidades socioeducativas, entidades sociais e asistenciais.
Obxecto: o apoio ao desenvolvemento de proxectos e actividades culturais na provincia da Coruña por parte das entidades sen ánimo de lucro.
Importe da subvención que se vai conceder: mínimo: 3.000 euros e máximo en función da modalidade:
A. Entidades culturais: 30.000 euros.
B. Entidades veciñais e de tempo libre: 10.000 euros.
C. Entidades socioeducativas: 10.000 euros.
D. Entidades sociais e asistenciais: 10.000 euros.
Importe solicitado: ata o 80 % do orzamento de gastos subvencionable.
Importe do orzamento de gastos: sen límite.
Prazo de solicitude: ata o 16-01-2025 (ás 14:00 horas).
Bases reguladoras, en réxime de concorrencia, do programa de subvencións a entidades sen fins de lucro para realizar investimentos de promoción económica no ano 2025 (DP0042/2025). Bases publicadas no BOP do 10-12-2024
Beneficiarias: entidades veciñais e asociacións de mulleres da provincia da Coruña e sen ánimo de lucro
Obxecto:
– Eixo 1: Dirixido ás asociacións veciñais.
Destinarase á realización de investimentos por parte das asociacións veciñais: execución de obras ou equipamentos de interese xeral no ámbito parroquial, municipal ou comarcal, tales como saneamento, abastecemento de auga, acondicionamento de camiños, iluminación pública, reforma e mellora de inmobles da súa titularidade, adecuación dos locais para mellorar a accesibilidade, instalación e equipamento contra incendios e seguridade interior, adecuación das instalacións eléctricas, adquisición de mobiliario ou equipamento informático, etc.
– Eixo 2: Dirixido ás asociacións de mulleres.
Destinarase á realización de investimentos por parte das asociacións de mulleres, como reforma e mellora de mellora de inmobles da súa titularidade, adecuación dos locais para mellora da accesibilidade, instalación e equipamento contra incendios e seguridade interior, adecuación das instalacións eléctricas, adquisición de mobiliario ou equipamento informático, compra de materiais de uso técnico e artístico vinculados ao desenvolvemento da programación das actividades da entidade, etc.
Importe da subvención que se vai conceder: mínimo: 1.000 euros e máximo 28.000 euros.
Importe solicitado: do 20% ao 80 % do orzamento de gastos subvencionable.
Importe do orzamento de gastos: de 1.250 euros ata 35.000 euros.
Prazo de solicitude: ata o 16-01-2025 (ás 14:00 horas).
Bases reguladoras, en réxime de concorrencia, do programa de subvencións a entidades sen fins de lucro para realizar actividades de promoción económica no ano 2025 (FOENAA/2025). Bases publicadas no BOP do 5-12-2024
Beneficiarias: entidades e asociacións empresariais da provincia da Coruña sen ánimo de lucro.
Obxecto: subvencionar accións tendentes a impulsar o desenvolvemento económico, o fomento do emprego, o apoio ao comercio e a hostalaría, apoiando liñas de comercialización e promoción dos nosos produtos de calidade que permitan a penetración no mercado, mediante axudas á loxística e a distribución, por parte das entidades que forman parte dos seguintes ámbitos: colexios profesionais, entidades asociativas e federativas representativas dalgún sector profesional, comercial ou empresarial e cámaras de comercio. Actividades a subvencionar:
– Organización de xornadas, seminarios ou galas relacionados coa promoción económica da provincia.
– Festas de recoñecido intereses turístico, feiras de artesanía, feiras de exaltación de produtos típicos da zona.
– Actividades de promoción, difusión e animación do comercio local (campañas de nadal, animación comercial en núcleos urbanos, decoración e animación en zonas comerciais, publicidade do comercio asociado, folletos, revistas, guías, etc).
Importe da subvención que se vai
conceder: mínimo: 1.500 euros e máximo 28.000 euros.
Importe solicitado: do 20% ao 80 % do orzamento de gastos subvencionable.
Importe do orzamento de gastos: de 7.500 euros ata 35.000 euros.
Prazo de solicitude: ata o 16-01-2025 (ás 14:00 horas).