Axudas
Axudas para os danos producidos polo xabaril nos cultivos agrícolas no 2023 e 2024
Beneficiarios: Titulares de explotacións agrarias (Reaga) e de autoconsumo.
Danos comunicados entre o 11 de outubro de 2023 e 10 de outubro de 2024 (os danos comunicados a partir desta data entrarán nas axudas do ano 2025).
Importante comunicar o dano no prazo de 3 días dende que se produza. Chamar ao 012 para rexistrar a denuncia e o persoal da Consellería desprazarase ao lugar a comprobar os feitos.
Prazo e lugar de presentación da solicitude da axuda:
- Lugar: Presentación a través da sede electrónica da Xunta ou presencialmente en calquera dos lugares e rexistros establecidos na normativa.
- Prazos para os danos comunicados ao 012 entre o 11 de outubro de 2023 e o 18 de
xaneiro de 2024: do 18 de xaneiro ao 19 de febreiro de 2024.
- Para os danos comunicados ao 012 a partir do 18 de xaneiro de 2024: 1 mes a contar dende o día seguinte o da comunicación do dano no teléfono 012.
Importe axuda: segundo o seguinte baremo ata un máximo de 2.750€.
| Tipo de cultivo | Importe €/m2 |
| Millo en gran | 0.19 |
| Millo forraxeiro | 0.29 |
| Trigo | 0.14 |
| Centeo | 0.14 |
| Avea | 0.14 |
| Pradaría | 0.14 |
| Pataca | 0.51 |
| Frutais (incluída vide) | 3.72 |
| Hortalizas 1 (cenoria, repolo e nabo) | 0.79 |
| Hortalizas 2 (coliflor, tomate, berenxena, cabaciña, cebola, feixón verde, leituga, pemento e allo porro) | 2.10 |
| Uva | 3.63 |
Máis info: Xunta de Galicia; Vicepresidencia Segunda e Consellería de Medio Ambiente, Territorio e Vivenda; Xefatura Territorial na A Coruña; Servizo de Patrimonio Natural da Coruña (DOG n.º 12 do 17 de xaneiro de 2024)
981184539
Axudas
Convocatoria de axudas ao alugamento de vivenda en Galicia para o ano 2024
Xa se aprobaron as bases reguladoras que rexerán a concesión inicial (código de procedemento VI483C) e a renovación (código de procedemento VI483D) das subvencións do Programa de axudas ao alugamento de vivenda na Comunidade Autónoma de Galicia, para facilitar o desfrute dunha vivenda en réxime de alugamento a sectores de poboación con escasos medios económicos, mediante o outorgamento de axudas directas ás persoas arrendatarias.
Axudas, Novas
Axudas para a creación dun novo establecemento turístico na contorna do Camiño de Santiago
Para establecemento hoteleiro, apartamento, vivenda turística, establecemento de turismo rural, albergue turístico, restaurante, cafetería ou bar.
Fin de prazo de solicitude: 18 de marzo de 2024
Poden solicitar estas axudas pequenas, medianas e grandes empresas para dous tipos de proxectos:
- Proxectos tractores de competitividade e sustentabilidade turística:
A realizar nunha infraestrutura emblemática do patrimonio arquitectónico ou etnolóxico: castelos, ermidas, capelas, casas reitorais, centros de ensino, edificios privados rurais ou urbanos anteriores a 1803, edificios relevantes da arquitectura, obras públicas, outras construcións construídas antes de 1901, hórreos, batáns, muíños talleres artesanais… Deben cumprir polo menos dúas das seguintes condicións:
– Creación mínima de 5 postos de traballo directos.
– Contribuír a dinamizar economicamente a zona.
– Promover o turismo sustentable (produtos ecolóxicos, reciclaxe…).
Contía da axuda: 35 % pequenas empresas / 25 % medianas empresas / 15 % grandes empresas. - Proxectos tractores dinamizadores do turismo cultural (contorna do Camiño de Santiago):
A realizar nun edificio inscrito no Rexistro de Bens de Interese Cultural de Galicia (BIC) poñéndoo en valor coa mellora ou rehabilitación do edificio e dedicar o 80% a fins culturais (horario, visitas, actividades culturais para a posta en valor).
Axuda máxima dun 80 % dos custos subvencionables ata o máximo de 2.200.000 € por proxecto.
Pódense solicitar ata 3 liñas de gasto subvencionable para cada proxecto:
– Liña 1: Proxectos de reforma e rehabilitación sustentable de edificacións (materiais de baixo impacto ambiental) e equipamento necesario. (Non subvencionan: decoración e enxoval).
– Liña 2: Actuacións de mellora de eficiencia enerxética: sistemas de climatización, envolvente térmica (fachada, tellado…), iluminación instalación/substitución e equipamentos para a produción de enerxía renovable (enerxía solar térmica, biomasa, aerotermia, xeotermia e enerxía fotovoltaica).
– Liña 3: Actuacións (obras e reforma) para mellora da accesibilidade, estruturais e
equipamento, que permitan a accesibilidade e mobilidade das persoas con diversidade funcional.
Proxecto: no caso dos concellos no trazado do Camiño de Santiago, subvenciónase a redacción do proxecto ata o 3% do investimento cun máximo de 10.000€.
O importe mínimo será de 300.000€ de investimento para as tres liñas. O período de execución remata o 31 de outubro de 2025.
Non serán subvencionables: autorizacións, taxas, seguros, custos financeiros, IVE…
Máis info:
Axencia Turismo de Galicia – Dirección de Competitividade – Área de Fomento e Desenvolvemento Empresarial
981547405/ 981546360
fomento.turismo@xunta.gal
TU503H
DOG nº 219 17/11/2023
Axudas, Novas
Información sobre convocatorias da Deputación da Coruña
Programa de axudas a asociacións, federacións e agrupacións de cazadores da provincia da Coruña para actividades durante o ano 2024 (FO028A/BIS).
Bases publicadas no BOP do 24-10-2023
Pódense beneficiar as asociacións, federacións e agrupacións de asociacións de cazadores da provincia da Coruña.
Gastos subvencionables: compra de bens destinados á actividade (material non inventariable (semillas, pesticidas legalmente autorizados), traballos realizados por outras empresas (que sexan indispensables para a realización da actividade) directamente relacionados con desbroces, sementeiras, rozas e podas; seguros TECOR.
Importe do orzamento de gastos: mínimo 5.000 €; máximo 10.000 €.
Importe da subvención que se vai conceder: mínimo 1.000 €; máximo 8.000 €.
Importe solicitado: do 20% ao 80 % do orzamento de gastos subvencionable.
Prazo de solicitude: do 15-11-2023 ás 08:00 h ata o 15-12-2023 ás 14:00 h.
Programa de axudas a entidades sen ánimo de lucro para o cofinanciamento de proxectos de investimentos no ámbito do medio ambiente, no ano 2024 (DP0036).
Bases publicadas no BOP do 24-10-2023
Poderanse beneficiar as entidades sen ánimo de lucro legalmente constituídas e inscritas no Rexistro de entidades de carácter medioambiental, cunha antigüidade mínima de 2 anos anteriores á data de finalización do prazo de presentación de solicitudes, de carácter medioambiental da provincia da Coruña (…) que teñan como fin primordial o estudo, a conservación, a promoción e/ou a defensa dos recursos naturais e do medio ambiente e que o seu ámbito de actuación estea comprendido na provincia da Coruña.
Gastos subvencionables: gastos estrictamente necesarios para o desenvolvemento do investimento subvencionado: aplicacións informáticas, terreos e bens naturais, construcións, maquinaria, ferramentas, utillaxe, mobiliario, equipos para procesos de información (ordenadores e demáis conxuntos electrónicos), elementos de transporte ( vehículos, remolques, embarcacións; adquisición, adpatación, rotulación), outro inmovilizado material, servizos profesionais independentes (honorarios topógrafos, notarías, rexistro propiedade…).
Importe da subvención que se vai conceder: mínimo 1.000 €; máximo 25.000 €.
Importe solicitado: do 20% ao 80 % do orzamento de gastos subvencionable.
Prazo de solicitude: do 15-11-2023 ás 08:00 h ata o 15-12-2023 ás 14:00 h.
Programa de axudas a entidades sen ánimo de lucro para o cofinanciamento de proxectos de actividades no ámbito do medio ambiente, no ano 2024 (DP0031).
Bases publicadas no BOP do 24-10-2023
Pódense beneficiar as entidades sen ánimo de lucro legalmente constituídas e inscritas no Rexistro de entidades de carácter medioambiental, cunha antigüidade mínima de 2 anos anteriores á data de finalización do prazo de presentación de solicitudes, de carácter medioambiental da provincia da Coruña (…) que teñan como fin primordial o estudo, a conservación, a promoción e/ou a defensa dos recursos naturais e do medio ambiente e que o seu ámbito de actuación estea comprendido na provincia da Coruña.
Gastos subvencionables: gastos estrictamente necesarios para o desenvolvemento da actividade subvencionada: bens destinados a actividade, materias primas, alugueres e cánones, seguros, reparación e conservación, subvministracións, publicidade, soldos e salarios….
As solicitudes irán encamiñadas polas liñas: voluntariado ambiental; difusión e sensibilización ambiental; conservación e protección do medio ambiente; outros (actuacións relacionadas co cambio climático, sustentabilidade enerxética, desenvolvemento de políticas e estratexias ambientais, posta en valor de recursos naturais, ou aquelas que promovan a participación social no compromiso co medio ambiente).
Importe da subvención que se vai conceder: mínimo 1.000 €; máximo 20.000 €.
Importe solicitado: ata o 80 % do orzamento de gastos subvencionable.
Prazo de solicitude: do 15-11-2023 ás 08:00 h ata o 15-12-2023 ás 14:00 h.
Programa de axudas a entidades sen ánimo de lucro para a realización de actividades culturais durante no ano 2024 (FO203/2024).
Bases publicadas no BOP do 26-10-2023
Poderanse beneficiar as entidades sen ánimo de lucro con domicilio fiscal na provincia da Coruña ou que acrediten que as actividades obxecto da subvención se realizarán no ámbito territorial da provincia.
Modalidades de solicitude:
MODALIDADE A: entidades culturais (asociacións culturais e entidades que teñan o seu carácter cultural debidamente acreditado nos seus estatutos): subvenciónanse proxectos e actividades culturais vinculados á creación, investigación, formación e difusión cultural e á dinamización sociocultural do territorio.
MODALIDADE B: entidades de natureza veciñal (asociacións de veciños e veciñas, asociacións xuvenís, de amas de casa, da terceira idade, asociacións de mulleres rurais….) Subvenciónanse proxectos e actividades de natureza sociocultural, dirixidos á dinamización comunitaria e á vertebración e cohesión social.
MODALIDADE C: Entidades de natureza socioeducativa (ANPAS, asociacións pedagóxicas, etc) Apoiaranse unicamente proxectos dirixidos á mellora do rendemento e das competencias educativas en colaboración coa contorna socioeducativa dos centros.
MODALIDADE D: entidades de natureza social e/ou asistencial (entidades que realizan o seu laboral de xeito prioritario no campo dos servizos sociais, o medio natural, a igualdade, a memoria histórica, a sensibilización e traballo en valores cívicos e o desenvolvemento territorial e socioeconómico).
Gastos subvencionables: entre outros, contratacións externas, difusión da actividade, edicións e publicacións de libros, gastos de desprazamentos, etc.
Importe da subvención que se vai conceder: mínimo 1.500 €; máximo en función da modalidade: A) 30.000 €; B)10.000 €; C)10.000 €; D) 10.000 €.
Importe solicitado: ata o 80 % do orzamento de gastos subvencionable.
Importe do orzamento de gastos: mínimo 3.000 €.
Prazo de solicitude: do 15-11-2023 ás 08:00 h ata o 15-12-2023 ás 14:00 h.
Programa de axudas a entidades sen ánimo de lucro para a realización de investimentos culturais durante no ano 2024. (FO204/2024)
Bases publicadas no BOP do 26-10-2023
Pódense beneficiar as entidades sen ánimo de lucro con domicilio fiscal na provincia da Coruña ou que acrediten que os investimentos obxecto da subvención se realizarán no ámbito territorial da provincia.
Modalidades de solicitude:
MODALIDADE A: entidades culturais (asociacións culturais e entidades que teñan o seu carácter cultural
debidamente acreditado nos seus estatutos).
MODALIDADE B: entidades de natureza veciñal (asociacións de veciños e veciñas, asociacións xuvenís, de amas de casa, da terceira idade, asociacións de mulleres rurais….).
MODALIDADE C: Entidades de natureza socioeducativa (ANPAS, asociacións pedagóxicas, etc.).
MODALIDADE D: entidades de natureza social e/ou asistencial (entidades que realizan o seu laboral de xeito prioritario no campo dos servizos sociais, o medio natural, a igualdade, a memoria histórica, a sensibilización e traballo en valores cívicos e o desenvolvemento territorial e socioeconómico).
Gastos subvencionables: entre outros, equipamentos e moblaxe; realización de reformas, ampliación e mellora de inmobles de titularidade da entidade solicitante; compra de materiais de uso técnico e artístico vinculados ao desenvolvemento da programación das actividades da entidade.
Importe da subvención que se vai conceder: mínimo 1.500 €; máximo en función da modalidade: A) 30.000 €; B)10.000 €; C)10.000 €; D) 10.000 €.
Importe solicitado: ata o 80 % do orzamento de gastos subvencionable.
Importe do orzamento de gastos: mínimo 3.000 €.
Prazo de solicitude: do 15-11-2023 ás 08:00 h ata o 15-12-2023 ás 14:00 h.
Bases reguladoras do programa de axudas a entidades sen ánimo de lucro para a realización de actividades de fomento da actividade física e do deporte durante o ano 2024 (FO103A/2024).
Bases publicadas no BOP do 26-10-2023
Pódense beneficiar as entidades sen ánimo de lucro con domicilio fiscal na provincia da Coruña, incluídas as federacións deportivas, que realicen actividades de fomento da actividade física e do deporte dentro da provincia. Deberán ter entre os seus obxectivos o fomento de actividades físicas e deportivas, a ocupación activa do tempo de lecer, o fomento do deporte ou actividades de formación en materia deportiva. As federacións deportivas poderán participar nesta convocatoria aínda que non teñan o domicilio fiscal na provincia da Coruña, sempre que acrediten que as actividades obxecto da subvención se realizarán no ámbito territorial da provincia.
Gastos subvencionables: entre outros, equipamentos e moblaxe; realización de reformas, ampliación e mellora de inmobles de titularidade da entidade solicitante; compra de materiais de uso técnico e artístico vinculados ao desenvolvemento da programación das actividades da entidade.
Liñas:
1) A realización de actividades conducentes a mellora da condición física, a ocupación activa do tempo de lecer, o deporte de carácter afeccionado ou popular e a participación en competicións deportivas que non sexan federadas.
2) A promoción social da práctica e dos valores deportivos que se realice mediante a organización de actividades de formación, difusión, e divulgación do deporte e dos valores deportivos; poderán consistir en charlas, talleres, cursos…
3) A organización de competicións deportivas federadas ou non federadas.
Importe da subvención que se vai conceder: de 1.000 € a 30.000 €.
Importe solicitado: do 20% ao 80 % do orzamento de gastos subvencionable.
Importe do orzamento de gastos: mínimo 5.000 € e máximo 37.500 €.
Prazo de solicitude: do 15-11-2023 ás 08:00 h ata o 15-12-2023 ás 14:00 h.
Programa de axudas a clubs deportivos da provincia, sen ánimo de lucro, con equipos ou deportistas que participen en competición federada de ámbito local, provincial ou autonómico durante o ano 2024 (FO103B/2024).
Bases publicadas no BOP do 26-10-2023
Pódense beneficiar os clubs deportivos , sen fins de lucro, legalmente constituídos e con domicilio fiscal na provincia da Coruña, con equipos ou deportistas que participen en competición federada de ámbito local, provincial ou autonómico durante o ano 2024.
Gastos subvencionables: entre outros, compra de bens destinados á actividade (só a roupa da equipación oficial de competicións e adestramentos); traballos realizados por outras empresas como lavandería e seguridade; arrendamento de material deportivo, de vehículos e instalacións deportivas; transportes, etc.
Importe da subvención que se vai conceder: de 1.000 € a 36.000 €.
Importe solicitado: do 20% ao 80 % do orzamento de gastos subvencionable.
Importe do orzamento de gastos: mínimo 5.000 € e máximo 45.000 €.
Prazo de solicitude: do 15-11-2023 ás 08:00 h ata o 15-12-2023 ás 14:00 h.
Programa de subvencións a entidades deportivas da provincia, sen ánimo de lucro, para infraestruturas e equipamento deportivo durante o ano 2024 (FO104/2024).
Bases publicadas no BOP do 26-10-2023
Poderanse beneficiar as entidades de carácter deportivo sen fins de lucro, inscritas no Rexistro de Entidades Deportivas da Xunta de Galicia, legalmente constituídas e con domicilio fiscal na provincia na Coruña.
Gastos subvencionables: as axudas destinaranse á realización de investimentos deportivos, gastos por adquisición, rehabilitación ou mellora de instalacións propias da entidade, obra nova, bens inventariables e equipamentos. No caso de adquisición, rehabilitación ou mellora de instalacións e obra nova as instalacións deberán ser propias, NON alugadas nin cedidas.
Importe da subvención que se vai conceder: de 1.000 € a 40.000 €.
Importe solicitado: do 20% ao 80 % do orzamento de gastos subvencionable.
Importe do orzamento de gastos: mínimo 5.000 € e máximo 50.000 €.
Incompatibilidades: estas axudas son incompatibles coa presentación de solicitudes aos programas FO103A/2024; FO103B/2024; FO103C/2024 e FO103D/2024.
Prazo de solicitude: do 15-11-2023 ás 08:00 h ata o 15-12-2023 ás 14:00 h.
Programa de subvencións dirixido ás entidades asociativas agrarias, labregas, gandeiras, forestais e asociacións de cazadores, da provincia da Coruña para a realización de investimentos durante o ano 2024 (FO028B).
Bases publicadas no BOP do 26-10-2023
Poderanse beneficiar as entidades asociativas, federacións e agrupacións de entidades asociativas agrarias, labregas, gandeiras, forestais, comunidades de montes, e ás asociacións, federacións e agrupacións de cazadores, en proxectos que sexan investimentos destinados á recuperación e valoración dos recursos agrarios endóxenos de carácter agrícola, gandeiro e forestal que teñan como obxecto a valorización e comercialización das producións agrarias, gandeiras e forestais; os proxectos relacionados
coa multifuncionalidade do monte enfocados á prevención de incendios; sinalización Tecor Societario;
fomento do uso das novas tecnoloxías, das enerxías renovables e do aforro enerxético; entre outras.
Importe da subvención que se vai conceder: de 1.000 € a 24.000 €.
Importe solicitado: do 20% ao 80 % do orzamento de gastos subvencionable.
Importe do orzamento de gastos: mínimo 5.000 € e máximo 30.000 €.
Prazo de solicitude: do 15-11-2023 ás 08:00 h ata o 15-12-2023 ás 14:00 h.
Axudas
Axudas de apoio á natalidade 2023
O prazo de solicitude das axudas de apoio á natalidade para o ano 2023 está aberto. Abrangue doce meses dende o día seguinte ao que se produciu o nacemento, adopción ou acollemento e rematará o 31 de decembro 2023.
Beneficiarios: persoas empadroadas no Concello de Vilasantar que se convirtan en pais ou nais a través do nacemento, adopción ou acollemento dun fillo ou filla sempre que cumpran os seguintes requisitos:
- Cando menos un dos proxenitores deberá estar empadroado e residir no Concello de Vilasantar cunha antelación mínima de seis meses á data do parto ou acto de adopción ou acollemento.
- Os/as nados/as, adoptados/as ou acollidos/as deberán ser inscritos no padrón de habitantes do Concello de Vilasantar.
- Os proxenitores, ou polo menos un deles, deberanse comprometer a permanecer empadroados no Concello de Vilasantar, do mesmo xeito que o seu fillo/a, durante un período mínimo dun ano tras o nacemento deste. Esta circunstacia poderá ser comprobada en calquera momento polo Concello de Vilasantar, solicitando os informes que procedan.
Documentación a presentar:
- Fotocopia do libro de familia e do DNI da persoa solicitante.
- Copia do auto xudicial de adopción de ser o caso.
- Compromiso de proceder á devolución da axuda no caso de deixar de cumprir algún dos requisitos necesarios para beneficiarse da mesma, ou ben cando sexa probado por parte do concello que non se cupre algún dos mencionados requisitos.
- Certificación dos datos bancarios para ingresar o improte da axuda, de ser o caso.
- Autorización para a consulta dos datos persoais do pardrón de habitantes do concello aos efectos da comprobación do efectivo empadroamento das persoas solicitantes.
Axudas
Axudas transporte escolar curso 2023-2024
No Boletín Oficial da Provincia da Coruña do día 27 de setembro de 2023 publícase a convocatoria das axudas para o transporte escolar do curso 2023/2024 do Concello de Vilasantar.
O prazo de solicitude é dende o día 28 de setembro ata o 27 de outubro de 2023.
Beneficiarios: O alumnado escolarizado no curso 2023/2024 que reúna os seguintes requisitos:
- Estar ao corrente das súas obrigas contributivas co Concello de Vilasantar.
- Cursar estudos de bacharelato, formación profesional ou equivalentes nun centro oficial.
- Non ter dispoñibilidade de transporte gratuíto.
- Ter empadroamento no Concello de Vilasantar.
Documentación a presentar:
- Declaración xurada de atoparse ao corrente nas obrigas e pagos coa Facenda Municipal.
- Certificación de matriculación nun centro oficial de bacharelato, formación profesional ou equivalentes.
- Certificado de titularidade de conta bancaria.
Axudas, Novas
Axudas para obras de renovación en vivendas
Publicado no DOG nº113 do 15 de xuño 2023
- VI406E: Axudas para a mellora de eficiencia enerxética para calefacción, refrixeración e os elementos construtivos da envolvente térmica das vivendas (fachadas, cubertas…).
Importe: 40% do custo das actuación cun límite de 3.000 €/vivenda. - VI406F: Axudas para a mellora de eficiencia enerxética de rehabilitación a nivel de edificio para envolvente edificatoria (ventás, portas…).
Importe: segundo o aforro enerxético acadado (mínimo 30%) e do custo da actuación, mínimo 6.300 € é máximo 18.800 € (estes importes varían en función da tipoloxía residencial, vulnerabilidade económica…). - VI406G: Axudas para elaboración do libro do edificio e da redacción de proxecto de rehabilitación.
Importe: varía en función do número de vivendas.
Fin solicitudes: 2 de outubro de 2023 ou esgotamento de crédito.
As persoas beneficiarias poden autorizar que un axente/xestor da rehabilitación lles tramite esta axuda. Recoméndase realizar a solicitude da subvención a través desta figura xa que, entre outros requisitos, débese presentar un proxecto/memoria de rehabilitación subscrito por técnico competente e certificado de eficiencia enerxética da vivenda.
Máis información:
Instituto Galego Da Vivenda e Solo (IGVS)
Área Central s/n Polígono de Fontiñas – 15781 Santiago de Compostela
Teléfono: 881045897
Email: rehabilitacionenerxetica@xunta.gal
Axudas
Axudas aos investimentos en tecnoloxías forestais, procesamento, mobilización e comercialización de produtos forestais (IN500A).
Finaliza o 17 de marzo de 2023
Beneficiarios:
Microempresas, pequenas e medianas empresas (peme) do sector forestal radicadas en Galicia en relación cos investimentos realizados en zonas rurais.
Requisitos
- Viabilidade económica (dispoñibilidade de crédito bancario para o investimento dun mínimo do 70% do importe, certificación bancaria de dispoñibilidade líquida en conta por importe do investimento e vendas por importe superior ao triplo do investimento)
- Seguro en vigor de responsabilidade civil para a actividade obxecto de axuda e, no suposto de ser exixible, un contrato de prevención de riscos laborais en vigor na data de publicación da convocatoria.
- Inscritos no Rexistro de Empresas do Sector Forestal (Resfor).
Subvencionan:
Liña 1. Xestión forestal activa.
a) Procesadoras, cortadoras e outros equipamentos de corta destinados a realizar cortas intermedias (desmestas e rareos).
b) Autocargadores e tractocargadores completos.
Liña 2. Madeira e biomasa.
a) Equipamentos de medición de masas forestais en número non superior á maquinaria de saca de madeira ou de biomasa.
b) Acondicionamento e instalacións en parques intermedios de rolla ou biomasa.
c) Autocargadores, arrastradores forestais e tractocargadores completos.
d) Procesadoras, cortadoras e outros equipamentos de corta.
e) Maquinaria específica, apeiros e implementos que permitan un aproveitamento comercial da biomasa forestal no monte, esteladoras con capacidade de recollida, empacadoras, colleitadoras ou procesadoras de biomasa. (Non terán a consideración de maquinaria específica nin procesadora de biomasa os tractores con rozadoras ou trituradoras forestais)
Liña 3. Castaña e resina.
a) Maquinaria específica, equipamentos, apeiros e implementos que permitan un aproveitamento comercial da castaña ou da resina no monte.
b) Acondicionamento e instalacións de parques intermedios de almacenamento e/ou clasificación.
c) Bens de equipamento e instalacións en empresas de recollida, manexo, clasificación, acondicionamento e comercialización de castaña ou resina.
Liña 4. Valor engadido na primeira transformación da madeira.
a) Equipamentos portátiles para a clasificación estrutural de madeira por métodos non destrutivos.
b) Maquinaria e instalacións de primeira transformación destinadas á clasificación automática da madeira estrutural mediante aspectos visuais ou indirectos.
c) Maquinaria e instalacións de primeira transformación destinadas á clasificación automática por calidade tanto da materia prima (troncos) como de produtos serrados intermedios ou finais, mediante a aplicación de escáneres de imaxe, dimensionais, raios X e outros tipos.
d) Maquinaria e instalacións de primeira transformación destinadas á obtención de produtos de maior valor engadido baseados na madeira serrada e que permitan abrir novas liñas de negocio a empresa.
e) Acondicionamento, maquinaria e instalacións de primeira transformación para o procesamento da biomasa forestal e a transformación da madeira.
Liña 5. Plans e ferramentas de xestión empresarial.
a) Implantación e, de ser o caso, certificación da cadea de custodia de madeira certificada, e/ou normativas de calidade ou garantía, marcación CE e plans de mellora de xestión empresarial.
b) Implantación e certificación, se procede, na empresa de ferramentas de xestión empresarial específicas da actividade forestal para o control de custos, calidade e mantemento.
Subvencionan investimentos financiados mediante leasing con opción de compra.
Non subvencionan, entre outros:
Adquisición de terreos, edificacións, mobiliario, maquinaria usada, obra civil, gastos de mantemento e reparacións, motoserras, rozadoras manuais, EPIS, rozadoras de brazo hidráulico articulado, góndolas, cabezas tractoras, plataformas, IVE.
Contía: 40% dos gastos elixibles
Liñas 1 e 4 máximo 200.000 €
Liñas 2 e 3 máximo 150.000 €
Liña 5 máximo 50.000 €
Axudas, Cultura
Convocatorias para asociacións culturais
Axudas da Deputación a entidades sen ánimo de lucro para a realización de actividades culturais durante o ano 2023. (FO 203/2023)
Bases publicadas no BOP do 20-02-2023
Beneficiarias:
Entidades sen ánimo de lucro con domicilio fiscal na provincia da Coruña ou que acrediten que as actividades obxecto da subvención se realizarán no ámbito territorial desta provincia.
Establécense 4 modalidades desta convocatoria:
MODALIDADE A: Entidades culturais (asociacións culturais e entidades que teñan o seu carácter cultural debidamente acreditado no seus estatutos)
MODALIDADE B: Entidades de natureza veciñal.
MODALIDADE C: Entidades de natureza socioeducativa (ANPAS de centros educativos do ensino público, asociacións pedagóxicas, etc).
MODALIDADE D: Entidades de natureza social e/ou asistencial (entidades que realizan o seu labor de xeito prioritario no campo dos servizos sociais, o medio natural, a igualdade, a memoria histórica, a sensibilización e traballo en valores cívicos e o desenvolvemento territorial e socioeconómico).
Importe do orzamento de gastos: Mínimo 3.000 €
Importe da subvención que se vai conceder: mínimo 1.500 €; máximo en función da modalidade.
A. Entidades culturais: 30.000 €
B. Entidades de natureza veciñal: 10.000 €
C. Entidades de natureza socioeducativa: 10.000 €
D. Entidades de natureza social e/ou asistencial: 10.000 €
Importe solicitado: Ata o 80 % do orzamento de gastos subvencionable.
Compatibilidades:
As entidades que opten por este programa poderán tamén obter subvención nos seguintes programas:
FO204: Programa de subvencións a entidades sen ánimo de lucro para realizar investimentos culturais durante o ano 2023.
FO223: Programa de subvencións a entidades sen ánimo de lucro para o apoio ao desenvolvemento de festivais audiovisuais, musicais e de artes escénicas na provincia da Coruña durante o ano 2023.
Prazo de solicitude: ata o 31 de marzo de 2023.
Axudas da Deputación a entidades sen ánimo de lucro para a realización de investimentos culturais durante o ano 2023. (FO 204/2023)
Bases publicadas no BOP do 20-02-2023
As axudas económicas obxecto deste programa destinaranse á realización de investimentos necesarios para a realización de actividades culturais non excluídas dentro da convocatoria de actividades culturais FO203/2023, por parte das entidades sen ánimo de lucro que forman parte dos ámbitos correspondentes ás seguintes modalidades:
MODALIDADE A: Entidades culturais (asociacións culturais e entidades que teñan o seu carácter cultural debidamente acreditado nos seus estatutos). Dentro desta modalidade diferéncianse dous grupos:
– A1: As entidades culturais sen ánimo de lucro que desenvolven a súa actividade ordinaria no ámbito local ou comarcal dentro da provincia da Coruña.
– A2: As entidades culturais sen ánimo de lucro que desenvolven a súa actividade ordinaria no ámbito supraprovincial.
MODALIDADE B: Entidades de natureza veciñal (asociacións de veciñas e veciños, asociacións xuvenís, de amas de casa, da terceira idade, asociacións de mulleres rurais…).
MODALIDADE C: Entidades de natureza socioeducativa (ANPAS de centros educativos do ensino público, asociacións pedagóxicas, etc).
MODALIDADE D: Entidades de natureza social e/ou asistencial (entidades que realizan o seu labor de xeito prioritario no campo dos servizos sociais, o medio natural, a igualdade, a memoria histórica, a sensibilización e traballo en valores cívicos e o desenvolvemento territorial e socioeconómico).
Gastos subvencionables:
- Equipamentos e moblaxe.
- Realización de reformas, ampliación e mellora de inmobles de titularidade da entidade solicitante.
- Compra de materiais de uso técnico e artístico vinculados ao desenvolvemento da programación das actividades da entidade.
Prazo de solicitude: ata o 31 de marzo de 2023.
Importe da convocatoria: 300.000 €
Importe do orzamento de gastos: Mínimo 3.000 €
Importe da subvención que se vai conceder: Mínimo 1.500 €
Importe solicitado: Ata o 80 % do orzamento de gastos subvencionable
Axudas
PROGRAMA INICIATIVA XOVE 2023 (BS306B)
¿QUE É ?
Son axudas enmarcadas no programa Iniciativa Xove para a posta en marcha de iniciativas xuvenís, entendidas como proxectos liderados pola mocidade da comunidade autónoma de Galicia que se desenvolvan durante o ano 2023 e nas cales as persoas novas participen activamente na planificación e na realización das actividades deseñadas por elas mesmas.
BENEFICIARIOS:
a) Os grupos informais de entre 5 e 8 persoas mozas, debidamente identificadas, con idades comprendidas entre os 18 e 30 anos e empadroadas na Comunidade Autónoma de Galicia.
b) As asociacións xuvenís, as entidades prestadoras de servizos á xuventude e as súas respectivas federacións. Deberán estar inscritas no censo oficial dependente organicamente da Dirección Xeral
de Xuventude, Participación e Voluntariado.
CONTÍA:
Finánciase o 100% do proxecto, cuxo orzamento non poderá ser superior a 5.000 euros.
PRAZO DE PRESENTACIÓN DE SOLICITUDES:
Ata o día 1 de marzo de 2023
ÁREAS DE ATENCIÓN PRIORITARIA:
a) Iniciativa Xove Emprendedora: proxectos que lle permitan á mocidade poñer en marcha as súas ideas no ámbito do emprendemento e da empregabilidade.
b) Promoción de hábitos saudables e prevención de condutas de risco ou violentas entre a poboación xuvenil, así como sensibilización e loita contra calquera forma de discriminación, en especial contra a violencia de xénero.
c) Posta en valor e promoción do Camiño de Santiago e do fenómeno xacobeo.
d) Fomento de actitudes creativas e innovadoras da xuventude na súa comunidade e na súa contorna.
e) Fomento da inclusión social e laboral e da accesibilidade das persoas mozas pertencentes a colectivos con dificultades de integración ou especialmente vulnerables.
f) Promoción de sectores emerxentes vinculados ao sector das tecnoloxías da información e a comunicación (TIC).
g) Fomento da participación e do empoderamento das mulleres novas galegas.
h) Promoción de actitudes e hábitos sustentables e de concienciación sobre o cambio climático, así como de posta en valor do patrimonio cultural e natural.
i) Desenvolvemento e dinamización do medio rural.
j) Dinamización da lingua galega entre a mocidade.
GASTOS SUBVENCIONABLES:
- Consideraranse gastos subvencionables aqueles que de xeito indubidable respondan á natureza do proxecto presentado, resulten estritamente necesarios para levalo a cabo e financien actividades realizadas desde o 1 de xaneiro ata o 15 de outubro de 2023.
- Os gastos ordinarios de funcionamento das entidades só serán subvencionables cando estean asociados co proxecto e recollidos no orzamento de gastos que se reflicte no anexo III. En todo caso, non poderán superar nunca o cinco por cento do orzamento total do proxecto, ou da contía xustificada, de ser esta inferior a aquel.
- O importe total de gastos de manutención, como as comidas, os servizos de restauración ou a compra de produtos alimenticios, non poderá superar o dez por cento do orzamento total do proxecto, ou da contía xustificada, de ser esta inferior a aquel. Ademais, deberán estar vinculados de xeito inequívoco coa actividade que se subvenciona e realizados durante a súa execución material.
Resolución publicada no DOG do día 1-02-2023, n.o 22. Orde do 31 de decembro de 2022 pola que se establecen as bases que rexen as axudas enmarcadas no programa Iniciativa Xove e se procede á súa convocatoria para o exercicio 2023.
OMIX Vilasantar.