Category Archives: Novas

Onte o GDR Ulla Tambre Mandeo, que xestiona as axudas Leader nos Concellos da Comarca de Arzúa, a Comarca de Melide e o Concello de Vilasantar, tivo unha maratoniana xornada de reunións, na  súa cita anual coa Asamblea Xeral na que se deu conta das actividades e do presuposto GDR.

Entre outros asuntos, douse entrada a tres novas asociacións, que dende onte pasaron a formar parte do GDR, sumando un total de 66 asociacións e entidades.

• AMARAI, Asociación de persoas con discapacidade e apoio á integración das comarcas de Arzúa e Melide, con sede en Arzúa, que ten como obxectivo  conseguir a plena inclusión de persoas con discapacidade en tódolos ámbitos da sociedade.

• ASOCIACIÓN RAÍÑA PARAÍSO con sede en Vilasantar ten como obxectivo a integración e formación sociolaboral de persoas en situación de exclusión socialm e actualmente xestiona a Escola de Agricultura Ecolóxica de Vilasantar.

• ASOCIACIÓN AXÓUXERE ten entre os seus fines a difusión cultural en Vilasantar, a integración sociolaboral  e a promoción de igualdade de oportunidades das mulleres.

Tras tratar tódolos puntos a actual xunta directiva acorda que na seguinte asamblea que se celebre realizaranse eleccións ao órgano directivo, tal e como marcan os estatutos.

En xeral, a xornada estivo marcada pola satisfacción do traballo realizado, sen perder de vista os obxectivos marcados e mellorando cada ano para lograr alcanzalos, pois como apunta o presidente, don Ovidio Leiva, a filosofía Leader  non debe servir unicamente para axudar á posta de negocios en marcha, senon tamén para mellorar a innovación no rural.

O alcalde,  Fernando Pérez, mantivo coa conselleira de Infraestructuras e Vivenda, Ethel Vázquez unha reunión para analizar diversos asuntos do Concello de Vilasantar.
O alcalde solicitou a mellora do acceso de vehículos á escola de agricultura ecolóxica dende a estrada AC-840.
Tamén, trataron a posibilidade de cesión da travesía de Présaras, propiedade da Xunta, a titularidade municipal.  Dita posibilidade plasmaríase nunha proposta de cesión.
Trataron tamén a solicitude feita pola alcaldía da posibilidade de arranxo da antigua escola de maestros do Seixo en vivenda para persoas sin recursos ou local social.

LUGAR: LOCAL SOCIAL DE VILASANTAR

DÍA: SÁBADO, 9 de XUÑO de 2018

HORA: 19:00h

Celebrouse o sábado 19 de maio a 1ª xornada “Vilasantar coa muller libre” que organizou conxuntamente o Concello de Vilasantar e o centro de información á muller de Curtis.
Preto de 70 persoas disfrutaron da obra de teatro “1879. Casa de bonecas” gañadora do 1º premio Luisa Villalta pola Igualdade da Deputación da Coruña”. Ao remate da obra teatral e dirixido pola directora do CIM, Natalia Vázquez Pita, houbo un pequeno coloquio interxeracional onde cinco mulleres de Vilasantar de distintas xeracións compartiron as súas experiencias de vida en relación coa igualdade e a desigualdade de xénero. Puidose comprobar ao remate do acto como reflexión que algo de avance social houbo en canto as liberdades da muller, pero que queda moitísimo traballo por facer, que é unha tarefa e labor de todos e todas, de homes e de mulleres: unha loita de persoas. A maiores o Concello de Vilasantar, por medio do seu Alcalde, manifestou o seu compromiso a non reducir recursos, servizos ou presupostos para combatir a violencia machista e apoiar ás victimas.

Pode visualizar as fotos da xornada na galería fotográfica.

Se eres fotógrafo/a en formación e che gusta o Camiño de Santiago, podes participar en #ObjetivoCamino, a mostra fotográfica artístico-patrimonial xeolocalizada organizada polo #ConsejoJacobeo.

Búscase ofrecer un enfoque máis amplo sobre a experiencia xacobea, na súa vertente máis humana e paisaxística, das rutas declaradas #PatrimonioMundial.
Animámoste a que retrates o noso Concello e o compartas con nós en turismo@vilasantar.com

Data límite de envío: 30 de xuño do 2018, ás 23:59 horas.

Podes consultalas bases do concurso en http://objetivocamino.es/informacion/

Este sábado día 5 os nenos e nenas da Escola de Bádminton que se clasificaron na fase Intercormarcal, celebrada o día 21 de Abril, participarán no Campionato Provincial de Bádminton que terá lugar en Monfero de 10:30h a 18:00h.

Noraboa!! polos resultados acadados, un primeiro posto en benxamín feminino, tres segundos postos nas categorias benxamín feminio e masculino e na categoria infantil masculino e un terceiro e cuarto posto en aleveín femino.

En O Concello, Galerias Fotográficas podedes ver as fotos da Fase Intercomarcal

MARTES, día 8 de maio de 2018, ás 13:00 horas, no local social de Vilasantar. Para as parroquias de Armental, Barbeito, Mezonzo e Vilasantar.

XOVES, día 10 de maio de 2018, ás 13:00 horas, no local social de Présaras (antiga Cámara Agraria). Para as parroquias de Présaras, San Vicente e Vilariño.

SÁBADO 2 DE XUÑO DE 2018

Ás 13:00 horas: Misa na Igrexa Parroquial de Vilasantar

Ás 14:00 horas: Xantar (na carpa situada detrás do Concello)

O xantar é gratuíto para as persoas maiores de 60 anos empadroadas no Concello de Vilasantar. Deberase confirmarse asistencia antes do 25 de maio de 2018 chamando ao teléfono 981 77 82 57.

Como nos anos anteriores haberá autobús de recollida polas parroquias (Previa anotación).

Festa amenizada por un dúo musical.