Axudas, Novas
Axudas da Deputación da Coruña para asociacións veciñais e de mulleres para actividades de promoción económica no 2026
Axudas da Deputación a asociacións veciñais de concellos de menos de 5.000 habitantes e asociacións de mulleres da provincia da Coruña, para a realización de actividades de promoción económica no ano 2026 (DP0042A/2026)
Bases publicadas no BOP do día 5-01-2026. Extracto no BOP do día 15-01-2026
O obxecto da presente convocatoria destinarase á realización de actividades tendentes a dinamizar a participación, estimular a cohesión social, potenciar as condutas cívicas, favorecer a integración, loitar contra a despoboación rural, así como mellorar a calidade de vida das persoas, por parte das entidades sen ánimo de lucro que formen parte dos seguintes ámbitos:
Eixo 1: Dirixido ás asociacións veciñais de concellos de menos de 5.000 habitantes
Destinarase á realización de actividades por parte das asociacións veciñais de concellos de menos de 5.000 habitantes. Para os efectos desta convocatoria enténdese por actividade subvencionable todas
aquelas actividades de interese xeral no ámbito parroquial, municipal ou comarcal, tales como:
– Programas e metodoloxías de participación cidadá que faciliten a apertura de procesos participativos nos que poidan tomar parte veciños e veciñas dunha parroquia ou barrio concreto ou ben de todo o Concello.
Abrir espazos de debate, de intercambio de ideas ou elaboración de propostas, incorporando mecanismos de participación cidadá.
– Proxectos, programas e/ou actividades de lecer, formativas e educativas, valiosas para toda a cidadanía da parroquia, barrio ou concello, sen ser necesario ter a condición de socio/a para participar nelas (información e formación en condutas cívicas ou mellora de hábitos en relación coa contorna, talleres, cursos, conferencias, ou calquera outro formato que se considere oportuno) e que favorezan a participación activa da cidadanía na vida do Concello.
Eixo 2: Dirixido ás asociacións de mulleres
Destinarase á realización de actividades por parte das asociacións de mulleres:
– Programas e metodoloxías de participación cidadá que faciliten a apertura de espazos de socialización, espazos seguros nos que poidan tomar parte as mulleres co obxectivo de facilitar a súa participación social, económica e política na súa contorna. Abrir espazos de debate, de intercambio de ideas ou elaboración de propostas, incorporando mecanismos de participación cidadá.
– Proxectos, programas e/ou actividades, que fomenten o envellecemento activo e saudable, o coidado da saúde a promoción de hábitos de vida saudables e sostibles, compatibles coa conservación do entorno rural. Actividades de información e formación en condutas cívicas ou mellora de hábitos en relación coa contorna, talleres, cursos, conferencias, ou calquera outro formato que se considere oportuno e que favorezan a participación activa da cidadanía na vida do Concello.
– Proxectos, programas e/ou actividades encamiñadas ao empoderamento das mulleres,
ao fomento do emprendemento e ao fomento e consolidación do asociacionismo,
mediante a realización de actividades de difusión, formación ou acompañamento.
– Actividades de acompañamento e atención a mulleres en situación de vulnerabilidade ou
mulleres en risco de exclusión social.
– Actividades, programas encamiñados a loita contra a soidade non desexada,
especialmente para facilitar o acompañamento das mulleres maiores e con dificultades de
acceso aos servizos básicos.
Importe da subvención que se vai conceder: de 1.200 a 10.000 euros.
Prazo de solicitude: dende o 16-01-2025 ata o 16-02-2026, ás 14:00 horas.
Cultura, Novas
Convocatorias de certames culturais 2026
XXI premio internacional “José Núñez” de arte gráfica– Bases publicadas no BOP 22-12-2025
Poderán optar ao premio todas as persoas maiores de idade, que non obtivesen o premio nos cinco anos anteriores a este, e que presenten obras non premiadas en ningún outro concurso ou certame.
Establécese un premio dotado con 6.500 € e unha exposición na Fundación CIEC.
Prazo de presentación de solicitudes: dende o 10 de febreiro ao 10 de abril de 2026.
XX premio “Raíña Lupa” de literatura infantil e xuvenil do ano 2026 – Bases publicadas no BOP 24-12-2025
Poderán optar ao premio todas as persoas maiores de idade, que non obtivesen o premio nos cinco anos anteriores a este, e que presenten obras non premiadas en ningún outro concurso ou certame.
Establécese dous premios, dotados con 6.500 euros cada un deles. Para cada unha das modalidades, infantil e xuvenil.
Prazo de presentación de solicitudes: dende o 10 de febreiro ao 10 de abril de 2026.
XXXVIII Premio Internacional “Torrente Ballester” de narrativa en lingua castelá e lingua galega do ano 2026 – Bases publicadas no BOP 24-12-2025
Poderán optar ao premio todas as persoas maiores de idade, que non obtivesen o premio nos cinco anos anteriores a este, e que presenten obras non premiadas en ningún outro concurso ou certame.
Establécese un premio dotado con 15.000 euros para cada edición.
Prazo de presentación de solicitudes: dende o 10 de febreiro ao 10 de abril de 2026.
XXI Premio “Castelao” de banda deseñada do ano 2026 – Bases publicadas no BOP 24-12-2025
Poderán optar ao premio todas as persoas maiores de idade, que non obtivesen o premio nos cinco anos anteriores a este, e que presenten obras non premiadas en ningún outro concurso ou certame.
Establécense dous premios dotados con 6.500 euros cada un deles.
Prazo de presentación de solicitudes: dende o 10 de febreiro ao 10 de abril de 2026.
XVIII Concurso Fran Pérez “Narf” para grupos e artistas musicais do ano 2026 – Bases publicadas no BOP 29-12-2025
Poderán participar calquera grupo ou artista musical galego ou residente en concellos galegos, do ámbito da música pop e variantes, que non fosen finalistas nin obtivesen o premio nos dez anos anteriores a este, e que presenten obras inéditas e non premiadas con anterioridade en ningún outro premio ou certame.
Establécese un premio de 4.000 euros, un segundo premio de 2.000 euros e un terceiro premio de 1.500 euros.
Prazo de presentación de solicitudes: dende o 10 de febreiro ao 10 de abril de 2026.
XX Edición do premio internacional Luis Ksado de creación fotográfica 2026 – Bases publicadas no BOP 22-12-2025
Poderán participar todas as persoas maiores de idade, interesadas na fotografía, que non fosen premiadas con este premio nalgunha edición anterior e que presenten obras non premiadas en ningún outro premio ou certame.
Establécese un premio de 6.500 euros.
Prazo de presentación de solicitudes: dende o 10 de febreiro ao 29 de maio de 2026.
XVI edición do premio Antonio Fraguas de artesanía do ano 2026 – Bases publicadas no BOP 24-12-2025
Poderán participar colectivos de persoas artesáns e persoas artesáns maiores de idade nacidas ou residentes en Galicia no ano 2026, que traballen no campo da artesanía galega tradicional ou contemporánea, tanto a título particular como en agrupacións de varios autores, colectivos, asociacións, etcétera, que non fosen premiados neste certame nos catro anos anteriores a éste e que presenten unha obra non premiada en ningún outro premio ou certame.
Cada persoa artesá ou colectivo poderá concorrer ao certame cun máximo de tres pezas, e poderán ser considerados como unha peza os conxuntos que, estando formados por varias, constitúan unha única unidade. A autoría das obras e a súa autencidade xustificarase mediante unha declaración responsable manifestando ser a persoa autora e titular de todos os dereitos. En consecuencia, a Deputación Provincial da Coruña non se fará responsable das posibles denuncias por plaxio ou eventualidade similar que puideran xurdir, recaendo na persoa participante afectada as accións legais que procedan e asumindo, se é o caso, as indemnizacións que puideran corresponder polos prexuízos ocasionados a particulares ou á organización.
As persoas participantes terán a obriga de comunicar á Deputación a concesión de calquera premio que obteña a obra presentada, no momento en que esta situación se produza, o que dará lugar á súa exclusión do premio.
Establécense dous premios dotados con 6.500 euros para cada unha das modalidades.
Prazo de presentación de solicitudes: dende o 10 de febreiro ao 10 de abril de 2026.
XXIII edición do premio Miguel González Garcés de poesía ano 2026 – Bases publicadas no BOP do 24-12-2025
Poderán participar todas aquelas persoas maiores de idade, que non obtivesen o premio nas dúas convocatorias anteriores a esta, e que presenten obras inéditas e non premiadas con anterioridade en ningún outro premio ou certame.
Establécese un premio único dotado con 6.500 euros.
Prazo de presentación de solicitudes: do 10 de febreiro ao 10 de abril de 2026
Axudas
Rede Cultural da Deputación da Coruña
Beneficiarios: os concellos e as entidades sen ánimo de lucro (polo programa Alicerce), xuridicamente constituídas e que teñan entre as súas finalidades a promoción da cultura.
O prazo estará aberto dende o 18 de marzo ata o 1 de abril de 2025.
Poden solicitarse actuacións de música, de teatro, de bandas de gaitas, charangas, magos, danza, etc., tanto os concellos como as entidades sen ánimo de lucro (asociacións e comisións de festas constituídas).
A tramitación dos programas é telemática.
A data de realización dos espectáculos abrangue todo o ano 2025 e ata o 31 de marzo de 2026. As entidades sen ánimo de lucro poden solicitar as actuacións subvencionables pola Deputación entre un 50% ao 70%, polo programa Alicerce. Só poden solicitar unha actuación cada entidade.
Consulta os espectáculos no vínculo: https://www.dacoruna.gal/cultura/rede-cultural/
Para solicitar os espectáculos utiliza o vínculo da SUBTEL: https://sede.dacoruna.gal/subtel/solicitudes
Consulta as Bases publicadas no BOP do día 16-01-2025
Axudas
Convocatorias de axudas da Deputación da Coruña
Bases reguladoras do programa de subvencións a entidades sen fins de lucro para realizar investimentos culturais durante o ano 2025 (FO204/2025) Bases publicadas no BOP do 10-12-2024.
Beneficiarias: entidades culturais, entidades veciñais e de tempo libre, entidades socioeducativas, entidades sociais e asistenciais, entidades representativas dos diferentes sectores profesionais e amadores da cultura galega, fundacións e entidades titulares de museos; centros de interpretación ou bibliotecas.
Tipos de investimentos a subvencionar: obras; realización de reformas, ampliación e mellora de inmobles propiedade da entidade solicitante ou sobre os que teña a cesión de uso por un mínimo de 10 anos desde a data de presentación da solicitudes. Equipamentos; mobiliario, equipamentos informáticos, material técnico e artístico vinculado ao desenvolvemento da programación das actividades da entidade (vestiario, instrumentos, atrís, partituras…).
Importe do orzamento de gastos: sen límite.
Importe da subvención que se vai conceder: mínimo: 3.000 euros e máximo en función da modalidade:
A. Entidades culturais: 15:000 euros.
B. Entidades veciñais e de tempo libre: 10.000 euros.
C. Entidades socioeducativas: 10.000 euros.
D. Entidades sociais e asistenciais: 10.000 euros.
E. Entidades representativas dos diferentes sectores profesionais e amadores da cultura galega: 15.000
euros.
F. Fundacións e entidades titulares de museos, centros de interpretación ou bibliotecas: 15.000 euros.
Importe solicitado: ata o 80 % do orzamento de gastos subvencionable.
Prazo de solicitude: ata o 16-01-2025 (ás 14:00 horas).
Bases reguladoras do programa de subvencións a entidades sen fins de lucro para realizar actividades culturais durante o ano 2025 (FO203/2025). Bases publicadas no BOP do 10-12-2024
Beneficiarias: entidades culturais, entidades veciñais e de tempo libre, entidades socioeducativas, entidades sociais e asistenciais.
Obxecto: o apoio ao desenvolvemento de proxectos e actividades culturais na provincia da Coruña por parte das entidades sen ánimo de lucro.
Importe da subvención que se vai conceder: mínimo: 3.000 euros e máximo en función da modalidade:
A. Entidades culturais: 30.000 euros.
B. Entidades veciñais e de tempo libre: 10.000 euros.
C. Entidades socioeducativas: 10.000 euros.
D. Entidades sociais e asistenciais: 10.000 euros.
Importe solicitado: ata o 80 % do orzamento de gastos subvencionable.
Importe do orzamento de gastos: sen límite.
Prazo de solicitude: ata o 16-01-2025 (ás 14:00 horas).
Bases reguladoras, en réxime de concorrencia, do programa de subvencións a entidades sen fins de lucro para realizar investimentos de promoción económica no ano 2025 (DP0042/2025). Bases publicadas no BOP do 10-12-2024
Beneficiarias: entidades veciñais e asociacións de mulleres da provincia da Coruña e sen ánimo de lucro
Obxecto:
– Eixo 1: Dirixido ás asociacións veciñais.
Destinarase á realización de investimentos por parte das asociacións veciñais: execución de obras ou equipamentos de interese xeral no ámbito parroquial, municipal ou comarcal, tales como saneamento, abastecemento de auga, acondicionamento de camiños, iluminación pública, reforma e mellora de inmobles da súa titularidade, adecuación dos locais para mellorar a accesibilidade, instalación e equipamento contra incendios e seguridade interior, adecuación das instalacións eléctricas, adquisición de mobiliario ou equipamento informático, etc.
– Eixo 2: Dirixido ás asociacións de mulleres.
Destinarase á realización de investimentos por parte das asociacións de mulleres, como reforma e mellora de mellora de inmobles da súa titularidade, adecuación dos locais para mellora da accesibilidade, instalación e equipamento contra incendios e seguridade interior, adecuación das instalacións eléctricas, adquisición de mobiliario ou equipamento informático, compra de materiais de uso técnico e artístico vinculados ao desenvolvemento da programación das actividades da entidade, etc.
Importe da subvención que se vai conceder: mínimo: 1.000 euros e máximo 28.000 euros.
Importe solicitado: do 20% ao 80 % do orzamento de gastos subvencionable.
Importe do orzamento de gastos: de 1.250 euros ata 35.000 euros.
Prazo de solicitude: ata o 16-01-2025 (ás 14:00 horas).
Bases reguladoras, en réxime de concorrencia, do programa de subvencións a entidades sen fins de lucro para realizar actividades de promoción económica no ano 2025 (FOENAA/2025). Bases publicadas no BOP do 5-12-2024
Beneficiarias: entidades e asociacións empresariais da provincia da Coruña sen ánimo de lucro.
Obxecto: subvencionar accións tendentes a impulsar o desenvolvemento económico, o fomento do emprego, o apoio ao comercio e a hostalaría, apoiando liñas de comercialización e promoción dos nosos produtos de calidade que permitan a penetración no mercado, mediante axudas á loxística e a distribución, por parte das entidades que forman parte dos seguintes ámbitos: colexios profesionais, entidades asociativas e federativas representativas dalgún sector profesional, comercial ou empresarial e cámaras de comercio. Actividades a subvencionar:
– Organización de xornadas, seminarios ou galas relacionados coa promoción económica da provincia.
– Festas de recoñecido intereses turístico, feiras de artesanía, feiras de exaltación de produtos típicos da zona.
– Actividades de promoción, difusión e animación do comercio local (campañas de nadal, animación comercial en núcleos urbanos, decoración e animación en zonas comerciais, publicidade do comercio asociado, folletos, revistas, guías, etc).
Importe da subvención que se vai
conceder: mínimo: 1.500 euros e máximo 28.000 euros.
Importe solicitado: do 20% ao 80 % do orzamento de gastos subvencionable.
Importe do orzamento de gastos: de 7.500 euros ata 35.000 euros.
Prazo de solicitude: ata o 16-01-2025 (ás 14:00 horas).
Novas
Quenda de decembro das Xornadas de termalismo
Xa está aberta a inscrición para a segunda quenda das «Xornadas de termalismo», no Attica 21 de Vilalba. Trátase dunha actividade para mellorar a saúde e a calidade de vida da veciñanza maior de 60 anos ou con minusvalía empadroada no noso municipio.
As prazas están limitadas a 30 por día e adxudicaranse por orde de anotación, non sendo posible escoller a data. As persoas que non obtiveron praza na primeira edición terán preferencia na segunda. Pódeste inscribir chamando ao 981 77 82 57.
- 11 de decembro 2024: Vilasantar, Armental, Mezonzo e Barbeito
- 18 de decembro 2024: Présaras, Vilariño, Armental e San Vicente
As persoas participantes deben levar traxe de baño, gorro de piscina, zapatillas de goma e toalla.
Axudas
Convocatorias da Deputación da Coruña
Bases reguladoras do programa de axudas a asociacións, federacións e agrupacións de cazadores da provincia da Coruña para actividades durante o ano 2025 (FO028A/BIS). Bases publicadas no BOP do 12 de novembro de 2024.
Beneficiarias: asociacións, federacións e agrpacións de asociacións de cazadores da provincia da Coruña.
Gastos subvencionables: compra de bens destinados á actividade: material non inventariable como sementes ou pesticidas legalmente autorizados; traballos realizados por outras empresas que sexan indispensables para a realización da actividade, directamente relacionados con rozas, semnteiras e podas; seguros TECOR.
- Importe do orzamento de gastos: mínimo 5.000 euros, máximo 10.000 euros.
- Importe da subvención que se vai conceder: mínimo 1.000 euros.
- Importe solicitado: do 20% ao 80% do orzamento de gastos subvencionable.
Prazo de solicitude: ata o 16 de decembro de 2024 as 14:00 horas.
Bases reguladoras do programa de axudas a entidades sen ánimo de lucro para a realización de actividades de fomento da actividade física e do deporte durante o ano 2025 (FO103A/2025). Bases publicadas no BOP do 11 de novembro de 2024.
Beneficiarias: entidades sen ánimo de lucro con domicilio fiscal na provincia da Coruña, incluídas as federacións deportivas que realicen actividades de fomento da actividade física e do deporte dentro da provincia. Deberán ter entre os seus obxectivos o fomento do deporte ou actividades de formación en materia deportiva. As federacións deportivas poderán participar nesta convocatoria aínda que non teñan o domicilio fiscal na provincia da Coruña, sempre que acrediten que as actividades obxecto da subvención se realizarán no ámbito territorial da provincia.
Para os clubs deportivos este programa é incompatible cos programas FO103B/2025 e co FO103C/2025.
- Importe da subvención que se vai conceder: de 1.000 a 3.000 euros.
- Importe solicitado: do 20% ao 80% do orzamento de gastos subvencionable.
- Importe do orzamento de gastos: mínimo 5.000 euros, máximo 37.500 euros.
Prazo de solicitude: ata o 16 de decembro de 2025 ás 14:00 horas.
Bases reguladoras do programa de axudas a clubs deportivos da provincia, sen ánimo de lucro, con equipos ou deportistas que participen en competición federada de ámbito local, provincial ou autonómico durante o ano 2025. FO103B/2025. Bases publicadas no BOP do 11 de novembro de 2024.
Beneficiarias: clubs deportivos, sen fins de lucro, legamente constituídos e con domicilio fiscal na provincia da Coruña, con equipos ou deportistas que participen en competición federada de ámbito local, provincial ou autonómico durante o ano 2025.
Gastos subvencionables: entre outros, compra de bens destinados á actividade (só a roupa da equipación oficial de competicións e adestramentos), traballos realizados por outras empresas, como lavandaría e seguridade; arrendamento de material deportivo, de vehículos e instalacións deportivas; transportes, etc.
- Importe da subvención que se vai conceder: de 1.000 a 36.000 euros.
- Importe solicitado: do 20% ao 80% do orzamento de gastos subvencionable.
- Importe do orzamento de gastos: mínimo 5.000 eros e máximo 45.000 euros.
Prazo de solicitude: ata o 31 de xaneiro de 2025 ás 14:00 horas.
Bases reguladoras do programa de subvencións a entidades deportivas da provincia, sen ánimo de lucro, para infraestruturas e equipamento deportivo durante o ano 2025. FO104/2025. Bases publicadas no BOP do 11 de novembro de 2024.
Beneficiarias: entidades de carácter deportivo sen fins de lucro, inscritas no Rexistro de Entidades Deportivas da Xunta de Galicia, legalmente constituídas e con domicilio fiscal na provincia da Coruña.
Gastos subvencionables: as axudas destinaranse á realización de investimentos deportivos, gastos por adquisición, rehabilitación ou mellora de instalacións propias da entidade, obra nova, bens inventariables e equipamento. No caso de adquisición, rehabilitación ou mellora de instalacións e obra nova, as instalacións deberán ser propias, non alugadas nin cedidas.
- Importe da subvencións que se vai conceder: de 1.000 a 40.000 euros.
- Importe solicitado: do 20% ao 80% do orzamento de gastos subvencionable.
- Importe do orzamento de gastos: mínimo 5.000 euros.
Incompatibilidades: estas axudas son incompatibles coa presentación de solicitudes aos programas FO103A/2024, FO103B/2024, FO103C/2024 e FO103D/2024.
Prazo de solicitude: ata o 16 de decembro de 2024 ás 14:00 horas.
Bases reguladores do programa de subvencións dirixido ás entidades asociativas agrarias, labregas, gandeiras, forestais e asociacións de cazadores da provincia da Coruña para a realización de investimentos durante o ano 2025. FO028B. Bases publicadas no BOP do 11 de novembro de 2024.
Beneficiarias: entidades asociativas, federacións e agrupaciós de entidades asociativas agrarias, labregas, gandeiras, forestais, comunidades de montes; e ás asociacións, federacións e agrupacións de cazadores, en proxectos que sexan investimentos destinados á recuperación e valoración dos recursos agrarios endóxenos de carácter agrícola, gandeiro e forestal que teñan como obxecto: a valorización e comercialización das producións agrarias, gandeiras e forestais; os proxectos relacionados coa multifuncionalidade do monte enfocados á prevención de incendios, sinalización Tecor Societario, fomento do uso das novas tecnoloxías, das enerxías renovables e do aforro enerxético, entre outras.
- Importe da subvención que se vai conceder; de 1.000 a 24.000 euros.
- Importe solicitado: do 20% ao 80% do orzamento de gastos subvencionable.
- Importe do orzamento de gastos: mínimo 5.000 euros e máximo 30.000 euros.
Prazo de solicitude: ata o 16 de decembro de 2024 ás 14:00 horas.
Novas
Campaña da neve Deputación da Coruña 2025
Xa está aberto o prazo de inscrición, ata o 2 de decembro, para participar na Campaña da neve da Deputación da Coruña. Para anotarse, cómpre presentar a correspondente solicitude no rexistro xeral do Concello de Vilasantar. O noso municipio conta con tres prazas correspondentes á primeira quenda, para desfrutar entre o 10 e 13 de xaneiro.
DESTINATARIOS: Nenos e nenas con empadroamento no Concello de Vilasantar, de 11 a 15 anos (inclusive cumpridos a 31 de decembro de 2024). Terá preferencia a rapazada que non participase en ningunha Campaña de Neve da Deputación.
COTA DE INSCRICIÓN E CONTA BANCARIA: 85 euros. Será ingresada na conta bancaria que se indica nos datos de pago, facendo constar o nome da persoa participante, Concello e «Campaña de neve 2025».
INCLÚE: Transporte, estadía e manutención na estación invernal de Valgrande-Pajares, monitores, clases de esquí, seguros, alugamento de material, remontes mecánicos e todo o gasto que ocasionen as actividades e cursos programados.
ATENCIÓN TELEFÓNICA: 981080319
EMAIL DE CONTACTO: deportes@dacoruna.gal
Máis información e descarga dos formularios: https://www.dacoruna.gal/deportes/campana-neve/
Axudas
Axudas da Deputación da Coruña para o financiamento das cotas sociais do emprego autónomo
Resolución número 2024/37000, do 17 de setembro do 2024, da Presidencia da Deputación da Coruña, pola que se convocan axudas en 2024 destinadas a apoio ao emprendemento a través do financiamento das cotas socias de persoas autónomas consolidadas con máis de 5 anos de antigüidade.
Persoas beneficiaria: persoas autónomas con un mínimo de cinco anos de actividade que non reciban outras axudas publicas para o pagocdas súas cotas sociais.
Obxecto: sufragar ás persoas autónomas parte das cotas correspondentes ao réxime especial ou sistema especial por conta propia da Seguridade Social que cumpran os requisitos.
Bases reguladoras: ordenanza xeral de subvencións e transferencias da Deputación Provincial da Coruña. Bases xerais reguladoras dos programas de subvencións da Deputación Provincial da Coruña 2024. Bases específicas do programa de axudas destinadas ao apoio ao emprendemento a través do financiamento das cotas socias de persoas autónomas consolidadas con máis de 5 anos de antigüidade.
Contía: 2.600.000 euros
Prazo de presentación de solicitudes: ata o día 25 de outubro de 2024, ás 14:00 horas.
https://www.infosubvenciones.es/bdnstrans/GE/es/convocatoria/786707
Axudas
Axudas para entidades sen ánimo de lucro: investimentos de promoción económica 2024 da Deputación da Coruña
BOP nº 167 do 30 de agosto do 2024 e BOP nº 171 do 5 de setembro de 2024
Obxecto: Investimentos que contribúan á participación e estimulación da cohesión social, potencien condutas cívicas, favorezan a integración, loiten contra o despoboamento rural e melloren a calidade de vida das persoas.
Destinatarios: Entidades sen ánimo de lucro
- Asociacións veciñais: Obras ou equipamentos de interese xeral: saneamento, abastecemento de auga, acondicionamento de camiños, iluminación pública, reforma e mellora de inmobles da súa titularidade, adecuación dos locais para mellorar a accesibilidade, instalación e equipamento contra incendios e seguridade interior, adecuación das instalacións eléctricas, adquisición de
mobiliario ou equipamento informático, etc. - Asociacións de mulleres: reforma e mellora de inmobles da súa titularidade, adecuación dos locais para mellorar a accesibilidade, instalación e equipamento contra incendios e seguridade interior, adecuación das instalacións eléctricas, adquisición de mobiliario ou equipamento informático, compra de materiais de uso técnico e artístico vinculados ao desenvolvemento da programación das actividades da entidade, etc.
- Comunidades de usuarios de augas: execución de obras ou equipamentos relativas ao saneamento e abastecemento de auga.
Importe máximo de subvención: 80% do orzamento solicitado (mínimo 1.000 € e máximo 28.000 €); orzamento mínimo a solicitar 1.200 € e máximo 35.000 €.
Valoración das solicitudes en función do coeficiente de financiamento por parte da asociación, do número de socias e socios, do impacto da proposta na loita contra a despoboación no rural e o seu impacto social.
Prazo solicitude: do 9 de setembro de 2024 (08:00 horas) ata o 30 de setembro de 2024 (14:00 horas), a través da plataforma SUBTEL da Deputación Provincial da Coruña.