Cultura, igualdade, Novas
Actividades polo Día Internacional da Muller: A Maga Fani en Vilasantar!
Na semana do Día Internacional da Muller, en Vilasantar achegamos á veciñanza o espectáculo de maxia da Maga Fani «Igualdade, onde estás?». O venres, 10 de marzo, ás 19:00 h, no local social de Vilasantar.
Somos un concello comprometido coa loita pola igualdade de xéneros e, aínda que o noso traballo para lograla é diario, con esta actividade queremos achegar a todas as xeracións dun xeito lúdico a importancia de seguir empurrando, todos e todas, para ter unha sociedade sen discriminacións nin desigualdades.
Novas
Aberto o período de admisión de novo alumnado para o CEIP de Présaras
Período de admisión de novo alumnado para o CEIP de Présaras ata o 20 de marzo
Se queres máis información ou concertar unha cita para coñecer as instalacións:
- Chama ao 981 77 80 50 de 12:00 a 12:30 ou de 14:15 a 15:00.
- Envía un email: ceip.presaras@edu.xunta.gal
- Visita o blog do salón: http://salondepresaras.blogspot.com/
- Visita a nosa web: https://www.edu.xunta.gal/centros/ceippresaras/
Cultura
24 de febreiro, Dɪ́ᴀ ᴅᴇ Rᴏsᴀʟɪ́ᴀ ᴅᴇ Cᴀsᴛʀᴏ en Vilasantar
O Pleno do Concello de Vilasantar declarou o 24 de febreiro como o Dɪ́ᴀ ᴅᴇ Rᴏsᴀʟɪ́ᴀ ᴅᴇ Cᴀsᴛʀᴏ para conmemorar a vida e obra da ilustre poetisa galega.
Tal día como hoxe fai 186 anos foi bautismada en Santiago de Compostela a que sería coñecida como a máis ilustre escritora en lingua galega e unha das principais responsables do Rexurdimento; Rosalía de Castro.
Filla de fidalga e sacerdote, mostrou gran inquedanza e mestría coas letras dende pequena. Aos 20 anos de idade publicou ‘A Flor’, o seu primeiro libro de poemas. Un ano despois casou co cronista galego Manuel Murguía, admirador da súa obra, co que tivo sete fillos, aínda que a derradeira naceu morta.
No século XIX a lingua galega quedara reducida a un dialecto desprestixiado, nada que ver coa época resplandecente da lírica galaicoportuguesa. A literatura galega desaparecera durante os tempos dos Reis Católicos, pero Rosalía reviviu a nosa lingua como idioma literario.
En 1963 Rosalía describiu fermosamente a nosa terra na nosa fala en ‘Cantares galegos’, facendo unha denuncia social polas condicións que vivía a poboación do rural. Coas súa verbas puxo en valor a fermosura dos nosos montes, a melodía dos nosos regatos, a saudade da emigración, a arte dos gaiteiros, a enxebreza dos nosos costumes populares… Rosalía transmitía a esencia galega.
Por desgraza a súa saúde era fráxil e agravouse cun cancro de útero que acabou coa súa vida en 1885, falecendo Rosalía de Castro en Padrón aos 48 anos de idade. Pero a súa pegada na literatura e sociedade galegas perdurará para sempre.
Axudas
Axudas aos investimentos en tecnoloxías forestais, procesamento, mobilización e comercialización de produtos forestais (IN500A).
Finaliza o 17 de marzo de 2023
Beneficiarios:
Microempresas, pequenas e medianas empresas (peme) do sector forestal radicadas en Galicia en relación cos investimentos realizados en zonas rurais.
Requisitos
- Viabilidade económica (dispoñibilidade de crédito bancario para o investimento dun mínimo do 70% do importe, certificación bancaria de dispoñibilidade líquida en conta por importe do investimento e vendas por importe superior ao triplo do investimento)
- Seguro en vigor de responsabilidade civil para a actividade obxecto de axuda e, no suposto de ser exixible, un contrato de prevención de riscos laborais en vigor na data de publicación da convocatoria.
- Inscritos no Rexistro de Empresas do Sector Forestal (Resfor).
Subvencionan:
Liña 1. Xestión forestal activa.
a) Procesadoras, cortadoras e outros equipamentos de corta destinados a realizar cortas intermedias (desmestas e rareos).
b) Autocargadores e tractocargadores completos.
Liña 2. Madeira e biomasa.
a) Equipamentos de medición de masas forestais en número non superior á maquinaria de saca de madeira ou de biomasa.
b) Acondicionamento e instalacións en parques intermedios de rolla ou biomasa.
c) Autocargadores, arrastradores forestais e tractocargadores completos.
d) Procesadoras, cortadoras e outros equipamentos de corta.
e) Maquinaria específica, apeiros e implementos que permitan un aproveitamento comercial da biomasa forestal no monte, esteladoras con capacidade de recollida, empacadoras, colleitadoras ou procesadoras de biomasa. (Non terán a consideración de maquinaria específica nin procesadora de biomasa os tractores con rozadoras ou trituradoras forestais)
Liña 3. Castaña e resina.
a) Maquinaria específica, equipamentos, apeiros e implementos que permitan un aproveitamento comercial da castaña ou da resina no monte.
b) Acondicionamento e instalacións de parques intermedios de almacenamento e/ou clasificación.
c) Bens de equipamento e instalacións en empresas de recollida, manexo, clasificación, acondicionamento e comercialización de castaña ou resina.
Liña 4. Valor engadido na primeira transformación da madeira.
a) Equipamentos portátiles para a clasificación estrutural de madeira por métodos non destrutivos.
b) Maquinaria e instalacións de primeira transformación destinadas á clasificación automática da madeira estrutural mediante aspectos visuais ou indirectos.
c) Maquinaria e instalacións de primeira transformación destinadas á clasificación automática por calidade tanto da materia prima (troncos) como de produtos serrados intermedios ou finais, mediante a aplicación de escáneres de imaxe, dimensionais, raios X e outros tipos.
d) Maquinaria e instalacións de primeira transformación destinadas á obtención de produtos de maior valor engadido baseados na madeira serrada e que permitan abrir novas liñas de negocio a empresa.
e) Acondicionamento, maquinaria e instalacións de primeira transformación para o procesamento da biomasa forestal e a transformación da madeira.
Liña 5. Plans e ferramentas de xestión empresarial.
a) Implantación e, de ser o caso, certificación da cadea de custodia de madeira certificada, e/ou normativas de calidade ou garantía, marcación CE e plans de mellora de xestión empresarial.
b) Implantación e certificación, se procede, na empresa de ferramentas de xestión empresarial específicas da actividade forestal para o control de custos, calidade e mantemento.
Subvencionan investimentos financiados mediante leasing con opción de compra.
Non subvencionan, entre outros:
Adquisición de terreos, edificacións, mobiliario, maquinaria usada, obra civil, gastos de mantemento e reparacións, motoserras, rozadoras manuais, EPIS, rozadoras de brazo hidráulico articulado, góndolas, cabezas tractoras, plataformas, IVE.
Contía: 40% dos gastos elixibles
Liñas 1 e 4 máximo 200.000 €
Liñas 2 e 3 máximo 150.000 €
Liña 5 máximo 50.000 €
Cultura
Convocatoria certames culturais
XVIII certame de Arte Isaac Díaz Pardo
Bases publicadas no BOP do 16-02-2023.
Poderán participar todas as persoas nadas ou residentes en Galicia, que traballen no campo da arte, que non fosen premiadas neste certame nos cinco anos anteriores e que presenten unha obra non premiada en ningún outro premio ou certame.
A convocatoria tramitarase de xeito telemático, a través da plataforma de tramitación electrónica da Deputación (SUBTEL).
Establecese un premio único dotado con 6.500 € e ademais adquirirase obra por un importe máximo de 25.000 €.
Prazo de presentación de solicitudes: ata o 20 de abril de 2023
XVII premio Raíña Lupa de literatura infantil e xuvenil
Bases publicadas no BOP do 16-02-2023.
Poderán participar todas as persoas, maiores de idade, que non fosen premiadas nos cinco anos anteriores a este e que presenten narracións en lingua galega, dirixidas ao público infantil e xuvenil.
As obras enviaranse, a portes pagados, á Deputación da Coruña (Avda. Porto da Coruña,
2, 15003 A Coruña) indicando no sobre XVII premio Raiña Lupa, de literatura infantil e xuvenil.
Establécese un premio dotado con 6.500 €.
Prazo de presentación de solicitudes: ata o 28 de abril de 2023.
XVIII Premio Castelao de Banda Deseñada
Bases publicadas no BOP do 16-02-2023
Poderán participar todas as persoas, maiores de idade, que non fosen premiadas con este premio nos cinco anos anteriores a este, e que presenten narracións en banda deseñada escritas en lingua galega.
As obras enviaránse, a portes pagados, á Deputación da Coruña (Avda. Porto da Coruña, 2, 15003 A Coruña) indicando no sobre XVIII Premio Castelao de Banda Deseñada.
Establécense dous premios, dotados con 6.500 € cada un deles.
Prazo de presentación de solicitudes: ata o 11 de maio de 2023.
XVII Premio Luis Ksado de creación fotográfica
Bases publicadas no BOP 20-02-2023
Poderán participar todas as persoas maiores de idade, interesadas no campo da fotografía, que non fosen premiadas con este premio nos cinco anos anteriores e que presenten obras non premiadas en ningún outro premio ou certame.
As obras enviaranse, a portes pagados, á Deputación da Coruña (Avda. Porto da Coruña, 2, 15003 A Coruña) indicando no sobre XVII Premio Luis Ksado de creación fotográfica.
Establécese un premio único dotado con 6.500 €.
Prazo de presentación de solicitudes: ata o 31 de maio de 2023.
XXI premio Rafael Dieste de textos teatrais
Bases publicadas no BOP do 20-02-2023
Poderán participar todas as persoas, maiores de idade, que non fosen premiadas nos cinco anos anteriores a éste, e que presenten obras de teatro escritas en lingua galega, inéditas e non premiadas en ningún outro premio ou certame.
As obras enviaránse, a portes pagados, á Deputación da Coruña (Avda. Porto da Coruña, 2, 15003 A Coruña) indicando no sobre XXI Premio “Rafael Dieste” de Textos Teatrais.
Establécese un premio dotado con 6.500 €.
Prazo de presentación de solicitudes: ata o 27 de abril de 2023.
XIV edición do premio Rosalía de Castro de lingua 2023
Bases publicadas no BOP do 28-02-2023
Poderán participar todas as persoas físicas ou xurídicas que desenvolvan ou se relacionen coa promoción da lingua galega.
Establécese tres categorías (á persoa, á entidade, e ao proxecto concreto). Cada categoría está dotada coa cantidade de 5.000 €.
Prazo de presentación de solicitudes: ata o 28 de abril de 2023
XXXV premio Torrente Ballester de narrativa en lingua castelá
Bases publicadas no BOP do 8-02-2023
Poderán participar todas as persoas, maiores de idade, que non houbesen sido
premiadas nos 5 anos anteriores a éste e que presenten narracións en lingua castelá.
Establécese un único premio de 15.000 €.
Prazo de presentación de solicitudes: ata o15 de maio de 2023
XIV premio Manuel Murguía de ensaio
Bases publicadas no BOP do 10-02-2023
Poderán participar todas as persoas maiores de idade, que non fosen premiadas nos 5 anos anteriores a este, e que presenten ensaios en lingua galega sobre Galicia, ou relacionados con ela, inéditos e non premiados en ningún outro premio ou certame.
Establécese un único premio dotado con 6.500 €.
Plazo de presentación de solicitudes ata o 1 de abril de 2023.
VII premio Begoña Caamaño á acción cultural pola igualdade de xénero
Bases publicadas no BOP do 10-02-2023
Son beneficiarias calquer persoa, colectivo, asociación ou entidade ligada a proxectos que se desenvolvan ou relacionen coa promoción da igualdade de xénero, e no pensamento feminista dende o campo da cultura, ou que destaquen por desenvolver actividades culturais que impliquen o seu avance social dende o traballo artístico e que teñan a súa residencia ou sede social no territorio galego.
Establécense dous premios, dotados con 6.500 € cada un.
Prazo de presentación de solicitudes: ata o 4 de maio de 2023
Axudas, Cultura
Convocatorias para asociacións culturais
Axudas da Deputación a entidades sen ánimo de lucro para a realización de actividades culturais durante o ano 2023. (FO 203/2023)
Bases publicadas no BOP do 20-02-2023
Beneficiarias:
Entidades sen ánimo de lucro con domicilio fiscal na provincia da Coruña ou que acrediten que as actividades obxecto da subvención se realizarán no ámbito territorial desta provincia.
Establécense 4 modalidades desta convocatoria:
MODALIDADE A: Entidades culturais (asociacións culturais e entidades que teñan o seu carácter cultural debidamente acreditado no seus estatutos)
MODALIDADE B: Entidades de natureza veciñal.
MODALIDADE C: Entidades de natureza socioeducativa (ANPAS de centros educativos do ensino público, asociacións pedagóxicas, etc).
MODALIDADE D: Entidades de natureza social e/ou asistencial (entidades que realizan o seu labor de xeito prioritario no campo dos servizos sociais, o medio natural, a igualdade, a memoria histórica, a sensibilización e traballo en valores cívicos e o desenvolvemento territorial e socioeconómico).
Importe do orzamento de gastos: Mínimo 3.000 €
Importe da subvención que se vai conceder: mínimo 1.500 €; máximo en función da modalidade.
A. Entidades culturais: 30.000 €
B. Entidades de natureza veciñal: 10.000 €
C. Entidades de natureza socioeducativa: 10.000 €
D. Entidades de natureza social e/ou asistencial: 10.000 €
Importe solicitado: Ata o 80 % do orzamento de gastos subvencionable.
Compatibilidades:
As entidades que opten por este programa poderán tamén obter subvención nos seguintes programas:
FO204: Programa de subvencións a entidades sen ánimo de lucro para realizar investimentos culturais durante o ano 2023.
FO223: Programa de subvencións a entidades sen ánimo de lucro para o apoio ao desenvolvemento de festivais audiovisuais, musicais e de artes escénicas na provincia da Coruña durante o ano 2023.
Prazo de solicitude: ata o 31 de marzo de 2023.
Axudas da Deputación a entidades sen ánimo de lucro para a realización de investimentos culturais durante o ano 2023. (FO 204/2023)
Bases publicadas no BOP do 20-02-2023
As axudas económicas obxecto deste programa destinaranse á realización de investimentos necesarios para a realización de actividades culturais non excluídas dentro da convocatoria de actividades culturais FO203/2023, por parte das entidades sen ánimo de lucro que forman parte dos ámbitos correspondentes ás seguintes modalidades:
MODALIDADE A: Entidades culturais (asociacións culturais e entidades que teñan o seu carácter cultural debidamente acreditado nos seus estatutos). Dentro desta modalidade diferéncianse dous grupos:
– A1: As entidades culturais sen ánimo de lucro que desenvolven a súa actividade ordinaria no ámbito local ou comarcal dentro da provincia da Coruña.
– A2: As entidades culturais sen ánimo de lucro que desenvolven a súa actividade ordinaria no ámbito supraprovincial.
MODALIDADE B: Entidades de natureza veciñal (asociacións de veciñas e veciños, asociacións xuvenís, de amas de casa, da terceira idade, asociacións de mulleres rurais…).
MODALIDADE C: Entidades de natureza socioeducativa (ANPAS de centros educativos do ensino público, asociacións pedagóxicas, etc).
MODALIDADE D: Entidades de natureza social e/ou asistencial (entidades que realizan o seu labor de xeito prioritario no campo dos servizos sociais, o medio natural, a igualdade, a memoria histórica, a sensibilización e traballo en valores cívicos e o desenvolvemento territorial e socioeconómico).
Gastos subvencionables:
- Equipamentos e moblaxe.
- Realización de reformas, ampliación e mellora de inmobles de titularidade da entidade solicitante.
- Compra de materiais de uso técnico e artístico vinculados ao desenvolvemento da programación das actividades da entidade.
Prazo de solicitude: ata o 31 de marzo de 2023.
Importe da convocatoria: 300.000 €
Importe do orzamento de gastos: Mínimo 3.000 €
Importe da subvención que se vai conceder: Mínimo 1.500 €
Importe solicitado: Ata o 80 % do orzamento de gastos subvencionable
Xestión de residuos
Recollida de plásticos agrícolas
Recollida de plásticos agrícolas (silos e invernadoiros) o 6 de marzo
Anotarse ata o 3 de marzo chamando ao Concello – 981 778 169
O 6 de marzo a empresa encargada fará a recollida nos lugares anotados.
Os plásticos deberán estar debidamente atados en fardos. Estes plásticos, almacenados e preparados para a súa recollida, deberán ter a menor suciedade posible procedente da terra, herba ou materia orgánica, e evitar conter outras materias impropias (tubaxes de PVC, garrafas, sacos big-bag, rodas…) que podan dificultar os traballos de reciclaxe e tratamento final de recuperación para novos usos. Nese caso será rexeitada a recollida.
Os fardos deben estar a disposición nun punto de fácil acceso para o camión de recollida.
Axudas
PROGRAMA INICIATIVA XOVE 2023 (BS306B)
¿QUE É ?
Son axudas enmarcadas no programa Iniciativa Xove para a posta en marcha de iniciativas xuvenís, entendidas como proxectos liderados pola mocidade da comunidade autónoma de Galicia que se desenvolvan durante o ano 2023 e nas cales as persoas novas participen activamente na planificación e na realización das actividades deseñadas por elas mesmas.
BENEFICIARIOS:
a) Os grupos informais de entre 5 e 8 persoas mozas, debidamente identificadas, con idades comprendidas entre os 18 e 30 anos e empadroadas na Comunidade Autónoma de Galicia.
b) As asociacións xuvenís, as entidades prestadoras de servizos á xuventude e as súas respectivas federacións. Deberán estar inscritas no censo oficial dependente organicamente da Dirección Xeral
de Xuventude, Participación e Voluntariado.
CONTÍA:
Finánciase o 100% do proxecto, cuxo orzamento non poderá ser superior a 5.000 euros.
PRAZO DE PRESENTACIÓN DE SOLICITUDES:
Ata o día 1 de marzo de 2023
ÁREAS DE ATENCIÓN PRIORITARIA:
a) Iniciativa Xove Emprendedora: proxectos que lle permitan á mocidade poñer en marcha as súas ideas no ámbito do emprendemento e da empregabilidade.
b) Promoción de hábitos saudables e prevención de condutas de risco ou violentas entre a poboación xuvenil, así como sensibilización e loita contra calquera forma de discriminación, en especial contra a violencia de xénero.
c) Posta en valor e promoción do Camiño de Santiago e do fenómeno xacobeo.
d) Fomento de actitudes creativas e innovadoras da xuventude na súa comunidade e na súa contorna.
e) Fomento da inclusión social e laboral e da accesibilidade das persoas mozas pertencentes a colectivos con dificultades de integración ou especialmente vulnerables.
f) Promoción de sectores emerxentes vinculados ao sector das tecnoloxías da información e a comunicación (TIC).
g) Fomento da participación e do empoderamento das mulleres novas galegas.
h) Promoción de actitudes e hábitos sustentables e de concienciación sobre o cambio climático, así como de posta en valor do patrimonio cultural e natural.
i) Desenvolvemento e dinamización do medio rural.
j) Dinamización da lingua galega entre a mocidade.
GASTOS SUBVENCIONABLES:
- Consideraranse gastos subvencionables aqueles que de xeito indubidable respondan á natureza do proxecto presentado, resulten estritamente necesarios para levalo a cabo e financien actividades realizadas desde o 1 de xaneiro ata o 15 de outubro de 2023.
- Os gastos ordinarios de funcionamento das entidades só serán subvencionables cando estean asociados co proxecto e recollidos no orzamento de gastos que se reflicte no anexo III. En todo caso, non poderán superar nunca o cinco por cento do orzamento total do proxecto, ou da contía xustificada, de ser esta inferior a aquel.
- O importe total de gastos de manutención, como as comidas, os servizos de restauración ou a compra de produtos alimenticios, non poderá superar o dez por cento do orzamento total do proxecto, ou da contía xustificada, de ser esta inferior a aquel. Ademais, deberán estar vinculados de xeito inequívoco coa actividade que se subvenciona e realizados durante a súa execución material.
Resolución publicada no DOG do día 1-02-2023, n.o 22. Orde do 31 de decembro de 2022 pola que se establecen as bases que rexen as axudas enmarcadas no programa Iniciativa Xove e se procede á súa convocatoria para o exercicio 2023.
OMIX Vilasantar.
Axudas
MR708A – Axudas a proxectos de inversión en actividades non agrícolas
Modernización de empresas existentes mediante maquinaria ou equipamentos en actividades non agrarias.
Prazo ata o 28 de febreiro de 2023
Gastos subvencionables
Con carácter xeral, compra de maquinaria e equipamentos novos que sexan necesarios para desenvolver a actividade produtiva da empresa.
Proxectos subvencionables
Proxectos mínimo 10.000€ e máximo 220.000€ (no sector da artesanía: 5.000€ e 100.000€).
- Adquisición de bens de equipo para mellorar, ampliar e/ou modernizar:
a) Industrias, fábricas e locais destinados á produción de bens e materiais. Non obstante, os investimentos relacionados coa utilización da madeira como materia prima ou fonte de enerxía limitaranse ás operacións de segunda transformación.
b) Transformación e/ou comercialización de produtos agrarios, cando o produto final do proceso de transformación e/ou comercialización derivado dos investimentos non estea incluído no anexo I do Tratado de Funcionamento da Unión Europea (TFUE). Non obstante, para este sector de actividade excluiranse aqueles proxectos cun orzamento elixible superior a 60.000 €.
c) Prestación de servizos en calquera sector económico, con exclusión das empresas de servizos de maquinaria agrícola e forestal e das empresas de servizos enerxéticos
d ) Prestación de servizos sociais (garderías, coidado de anciáns, de persoas con discapacidade, granxas-escola…).
e) Actividades de ocio, recreativas e deportivas.
f) Artesanía e actividades artesanais.
g) Actividades baseadas na innovación tecnolóxica e no comercio electrónico.
h) Actividades nos sectores da enxeñaría, arquitectura, servizos técnicos, limpeza industrial e veterinaria.
i) Comercio polo miúdo de produtos non incluídos no anexo I do TFUE.
Beneficiarios:
- Microempresas e pequenas empresas de zonas rurais.
- Persoas físicas que residan en zona rural (traballadores por conta propia ou autónomos).
- Titulares dunha explotación agraria, ou membros da súa unidade familiar, que diversifiquen as súas actividades en ámbitos non agrícolas e que desenvolvan o seu proxecto na propia explotación.
Contía: 45 % dos gastos subvencionables.
Máis info: AGADER
981547382
http://agader.xunta.es
DOG n.º 20 do 31 xaneiro de 2023
Cursos
Acercamento da Adminstración á cidadanía
Luns, 6 de febreiro, ás 11.30 h na cámara agraria de Présaras.
O plan de acercamento da Administración á cidadanía chega a Vilasantar coa xornada informativa nos concellos de menos de 8.000 habitantes. O próximo luns, 6 de febreiro, representantes do funcionariado da Subdelegación de Goberno achegaranse á cámara agraria de Présaras ás 11.30 h para impartir unha charla informativa. Cun carácter eminentemente práctico e de utilidade xeral, afondarán nas posibilidades e ferramentas que proporciona a Administración electrónica.
Ao finalizar a charla ofrecerase ás persoas asistentes a posibilidade de obter in situ o certificado electrónico, en concreto o certificado que expide a Fábrica Nacional de Moeda e Timbre, que é o que maiores posibilidades de interacción proporciona co conxunto das Administracións Públicas.
Anótate chamando ao 981 77 81 69