Novas
Recollida de residuos voluminosos
O vindeiro 22 de agosto de 2024 terá lugar a recollida de residuos voluminosos polas parroquias de Vilasantar. Para facer uso deste servizo é imprescindible anotarse chamando á casa do concello, no 981 778 169.
Lembramos que está terminantemente prohibido guindar calquera tipo de residuo ao aire libre, agás neste caso e sempre que a persoa propietaria se anotara na lista e conte coa autorización do Concello de Vilasantar.
Novas
Galería de obras do II certame de pintura rápida Xosé Casal


Crisanto Póveda Gallego

Antonio Lorenzo Guisado

Pablo Mosquera Barbeito

Benito Candal Pan

Juan Carlos Triñanes Buceta

Marta Bravo López

Benigno Rodríguez Sánchez

Irene Sánchez Macía

Jose Luis Cantero Vergara

Manuel Carballeira Rivas

Eduardo Pérez Baamonde

Rafael Jimenez Ambel

Nieves Castro Lara


Sergio González Riveiro

Carla Viso Pérez
actividades municipais, Cultura
Actividades de verán da biblioteca de Vilasantar
A biblioteca de Vilasantar e Ler conta moito, o programa de dinamización da lectura nas bibliotecas públicas promovido pola Xunta de Galicia en colaboración coas entidades locais, organizan actividades de verán para a rapazada dos campamentos.
- 10 de xullo, ás 10:30 h, no campus de deporte e ocio Álex Bergantiños: Un conto volto a contar, da man de Viravolta Títeres.
- 11 de xullo, ás 11:00 h, no campamento de verán do CEIP de Présaras: Contos de Magos, da man de Marisa Irimia.
- 7 de agosto, ás 11:00 h, no campamento de verán do CEIP de Présaras: taller de maxia «Charly e a fábrica de sonos», co mago Charly Braun.
eventos, sostibilidade, Xestión de residuos
Campaña de compostaxe doméstica en Vilasantar
A próxima semana terán lugar varias reunións en todas as parrioquias para falar da taxa do lixo, o tratamento dos biorresiduos e outras recollidas selectivas e para buscar domicilios voluntarios para o futuro proxecto de recollida porta a porta. Ademais repartiremos composteiros de balde!
- Luns, 1 de xullo
- Local social de Mezonzo ás 11:00 h
- Local social de Barbeito ás 16:00 h
- Martes, 2 de xullo
- Local social de Armental ás 17:00 h
- Local social de San Vicenzo ás 19:00 h
- Mércores, 3 de xullo
- Local social de Vilasantar ás 12:00 h
- Local social de Présaras ás 17:00 h
- Xoves, 4 de xullo
- Local social de Vilariño ás 11:00 h
Se che interesa, pero non podes asistir, chama á casa do concello: 981 77 81 69
Reduce a túa pegada ecolóxica! 💚
actividades municipais, Cultura, Novas
II certame de pintura rápida Xosé Casal en Vilasantar
O Concello de Vilasantar convoca o segundo certame de pintura rápida Xosé Casal de acordo ás seguintes bases:
- O Certame celebrarase o 7 de xullo de 2024.
- Poderanse presentar ao certame as persoas maiores de 18 anos, profesionais ou aficionados, que presenten a súa solicitude o día do certame na casa do concello.
- Cada artista poderá participar cun máximo dunha obra realizada o día do certame.
- A inscrición e selado dos soportes realizarase na casa do concello, o día 7 de xullo, entre as 09:00 e as 12:00 horas da mañá.
- O tema obrigado será a contorna de Vilasantar; paisaxes, xentes e costumes. A organización facilitará un plano delimitando as zonas dentro das que se situarán os participantes, pintando neses lugares (parroquias de Présaras, Vilariño e A Laxe).
- A organización selará a cada participante o soporte, aportado polo artista, que se presentará en branco, sen manipular. As medidas do soporte serán dun tamaño mínimo de 60×81 cm e máximo de 100×81 cm.
- As obras poderanse realizar en calquera técnica: óleo, acrílico, acuarela, etc. O artista virá provisto de todo o material preciso para a execución da súa obra, incluído o cabalete para expor a pintura realizada.
- As obras realizadas serán presentadas para a súa exposición sen asinar entre as 16:00 e as 17:00 horas no lugar designado pola organización.
- O xurado estará composto por persoas cualificadas e profesionais do mundo da arte e a súa decisión será inapelable. O xurado poderá declarar deserto o premio se non alcanzan as obras unha calidade suficiente ao seu criterio.
- O xurado valorará as obras presentadas entre as 17:00 e as 18:00 horas, e entregaranse os premios a partir desa hora. A súa decisión será inapelable.
- Establécense os seguintes premios:
- Primeiro premio, patrocinado polo Concello de Vilasantar: 1.000 € e diploma.
- Segundo premio, patrocinado por GSV Agro: 500 € e diploma.
- Terceiro premio, patrocinado por Fontambre SL: 400 € e diploma.
- Cuarto premio, patrocinado por Bacalaos Boado: 300 € e diploma.
- Quinto premio, patrocinado por Pintores de Galicia: 300 € e diploma.
- A obra agraciada co primeiro premio pasará a ser propiedade da organización, así como o dereito á súa reprodución, exposición ou calquera outro uso que da mesma desexe facer. O resto das obras premiadas pasarán a ser propiedade dos patrocinadores.
- As obras non premiadas serán expostas ao público tras a decisión do xurado. Poderanse poñer á venda ao público asistente.
- A organización non se responsabiliza das perdas ou danos que puideran sufrir as obras, que estarán coidadas e protexidas en todo momento.
A sinatura da solicitude de participación supón unha declaración de coñecemento das bases e compromiso de cumprimento das mesmas. A solicitude deberá acompañarse dunha fotocopia do DNI da persoa solicitante.
Os datos e a información incluída nas solicitudes serán tratados de conformidade co establecido na lexislación vixente en materia de protección e tratamento de datos persoais (Lei Orgánica 3/2018, do 5 de decembro, de Protección de Datos de Carácter Persoal, e a súa normativa de desenvolvemento).
Para calquera consulta: Concello de Vilasantar, 981 77 81 69 ou comunicacion@vilasantar.gal






