Cultura, eventos
«Feminíssimas»: teatro para rematar coa violencia contra as mulleres
En Vilasantar adiantámonos ao Día Internacional da Eliminación da Violencia contra a Muller coa programación de «Feminíssimas», de Esther F. Carrodeguas, Noelia Blanco, Stephy Llaryora e Xavier Castiñeira. Unha creación colectiva coa amizade como fondo e o feminismo como forma.
Tres amigas que entenden o feminismo de xeitos distintos atópanse tras anos nun congreso feminista. Este é o punto de partida de «Feminíssimas», unha peza teatral con altas doses de humor, ironía e complicidade.
- Sábado 11 de novembro
- 18:00 h
- Local social de Vilasantar
Cultura, eventos
O espectáculo «Oh, Circo» de Cayetano Lledó visita Vilasantar!
Dentro de pouco recibiremos a ilusionante visita de Cayetano Lledó co seu espectáculo de maxia «Oh, Circo». Anota:
- 11 de agosto
- 17:00 h
- Área recreativa do Roseo
Non podes faltar! Circo, maxia, teatro e moita diversión!
Cultura
A obra de teatro musical «Desconcerto» chega a Vilasantar
Fran Rei e Félix Rodríguez visitarán Vilasantar coa produción de Culturactiva «Desconcerto», un espectáculo cómico sobre a música culta. Os protagonistas chegan tarde ao recital, coa orquestra a piques de comezar e o público preparado, polo que comeza un espectáculo de tola e divertida improvisación.
A obra terá lugar o mércores 26 de xullo na área recreativa do Roseo ás 19:00 h.
Cultura, Novas
«Rogelio, un pallaso en recuperación» chega a Vilasantar
O espectáculo «Rogelio, un pallaso en recuperación» chega a Vilasantar para facer as ledicias de todo o mundo; con circo, malabares, maxia e moitas cousas máis.
O luns, 17 de xullo, na piscina municipal de Vilasantar, ás 17:00 h tes unha cita que non podes perder.
Cultura, Novas
Campo de voluntariado «O Batán de Mezonzo»
Del 17 al 28 de agosto de 2023.
15 plazas para personas de entre 18 y 30 años.
La convocatoria estará abierta hasta 3 días antes del comienzo de cada campo.
Máis información en http://xuventude.xunta.es/accion-de-veran
La finalidad de este campo es ayudar en la mejora, consolidación y puesta en valor del batán de Mezonzo, de la ruta homologada PRG-195 (de los Molinos del Río de las Gándaras) y de la Ruta Espiritual de San Pedro de Mezonzo.
Se realizarán actividades complementarias como talleres de improvisación teatral, de agricultura ecológica, de cosmética natural, de percusión doméstica y baile tradicional, de conservas, observación astronómica, laser-tag y tiro con arco, visitas a lugares de interés turístico y natural cercanas…
Las personas participantes en el campo de voluntariado «O Batán de Mezonzo» se alojarán en la escuela de agricultura ecológica Asociación Raíña Paraíso y el coste de toda la experiencia será de 110€.
CONTACTOS
Dirección General de Juventud, Participación y Voluntariado:
T. 981 957 115 – camposdetraballo.xuventude@xunta.es
Servicio de Juventud y Voluntariado de A Coruña:
T. 881 881 238
Cultura, Novas
Bota unha ollada a todas as obras do I Certame de pintura rápida Xosé Casal
Cultura, Novas
Celebramos o Día das Letras Galegas co Mago Dani!
O melidense mago Dani Polo vén a Vilasantar no Día das Letras Galegas a abraiarnos co seu espectáculo «Enmaxiarte».
O mércores, 17 de maio, ás 17:00 h, no local social de Vilasantar. Non podes faltar!
Cultura, Novas
I Certame de pintura rápida “Xosé Casal”
O Concello de Vilasantar convoca o primeiro certame de pintura rápida “Xosé Casal” de acordo ás seguintes bases:
- O Certame celebrarase o 7 de maio de 2023.
- Poderanse presentar ao certame as persoas maiores de 18 anos, profesionais ou aficionados, que presenten a súa solicitude o día do certame na casa do concello.
- Cada artista poderá participar cun máximo dunha obra realizada o día do certame.
- A inscrición e selado dos soportes realizarase na casa do concello, o día 7 de maio, entre as 09:00 e as 12:00 horas da mañá.
- O tema obrigado será a contorna de Vilasantar; paisaxes, xentes e costumes. A organización facilitará un plano delimitando as zonas dentro das que se situarán os participantes, pintando neses lugares (zona urbana de Vilasantar, Mezonzo e ruta dos muíños).
- A organización selará a cada participante o soporte, aportado polo artista, que se presentará en branco, sen manipular. As medidas do soporte serán dun tamaño mínimo de 60×81 cm e máximo de 100×81 cm.
- As obras poderanse realizar en calquera técnica: óleo, acrílico, acuarela, etc. O artista virá provisto de todo o material preciso para a execución da súa obra, incluído o cabalete para expor a pintura realizada.
- As obras realizadas serán presentadas para a súa exposición sen asinar entre as 16:00 e as 17:00 horas no lugar designado pola organización.
- O xurado estará composto por persoas cualificadas e profesionais do mundo da arte e a súa decisión será inapelable. O xurado poderá declarar deserto o premio se non alcanzan as obras unha calidade suficiente ao seu criterio.
- O xurado valorará as obras presentadas entre as 17:00 e as 18:00 horas, e entregaranse os premios a partir desa hora. A súa decisión será inapelable.
- Establécense os seguintes premios:
- Primeiro premio, patrocinado polo Concello de Vilasantar: 1.000 € e diploma.
- Segundo premio, patrocinado por Losán: 600 € e diploma.
- Terceiro premio, patrocinado por GSV Agro: 400 € e diploma.
- Cuarto premio, patrocinado por Bacalaos Boado : 300 € e diploma.
- Quinto premio, patrocinado por Pintores de Galicia: 300 € e diploma
- A obra agraciada co primeiro premio pasará a ser propiedade da organización, así como o dereito á súa reprodución, exposición ou calquera outro uso que da mesma desexe facer. O resto das obras premiadas pasarán a ser propiedade dos patrocinadores.
- As obras non premiadas serán expostas ao público tras a decisión do xurado. Poderanse poñer á venda ao público asistente.
- A organización non se responsabiliza das perdas ou danos que puideran sufrir as obras, que estarán coidadas e protexidas en todo momento.
A sinatura da solicitude de participación supón unha declaración de coñecemento das bases e compromiso de cumprimento das mesmas. A solicitude deberá acompañarse dunha fotocopia do DNI da persoa solicitante.
Os datos e a información incluída nas solicitudes serán tratados de conformidade co establecido na lexislación vixente en materia de protección e tratamento de datos persoais (Lei Orgánica 3/2018, do 5 de decembro, de Protección de Datos de Carácter Persoal, e a súa normativa de desenvolvemento).
Para calquera consulta: Concello de Vilasantar, 981 77 81 69 ou comunicacion@comunicacion
Cultura, Novas
Exposición fotográfica ‘Unha ollada á historia de Vilasantar»
A finais do ano pasado pedimos á veciñanza que nos cedera fotografías antigas para realizar un almanaque histórico do 2023. Foi todo un éxito e recibimos moitísimas imaxes, máis das que cabían no almanaque! Pero queriamos compartilas todas con vós, así que decidimos facer unha exposición con todas.
Quixemos crear unha experiencia familiar e próxima, para que podades sentir as fotografías e memorias como vosas. Por iso fixemos un álbum fotográfico. Para achegar a experiencia a todos e todas, optamos por instalar a exposición nos locais sociais das sete parroquias, así que estará unha semana en cada un.
- Local social de Mezonzo: do 31 de marzo ao 6 de abril. Pedir as chaves no bar Priorato a fin de semana e de luns a venres a partir das 17.00 h e na casa do concello por semana.
- Local social de Présaras: do 7 ao 13 abril. Pedir as chaves no bar A Bodeguilla.
- Local social de Armental: do 14 ao 20 de abril. Pedir as chaves na casa de Carmen de Eirixe.
- Local social de Barbeito: do 21 ao 27 de abril. Pedir as chaves na taberna Cotos.
- Local social de Vilariño: do 28 de abril ao 4 de maio. Pedir as chaves na taberna de Bugallo.
- Local social de San Vicente: do 5 ao 11 de maio. Pedir as chaves na taberna San Vicente.
- Local social de Vilasantar: do 12 ao 18 de maio. Pedir as chaves no bar Lodeiro.
Queremos agradecer de corazón a todas as persoas que nos prestáchedes as vosas memorias a través das fotografías e esperamos que desfrutedes da exposición.
Axudas, Cultura
Rede Cultural do ano 2023
Xa están publicadas as bases reguladoras do programa de Rede Cultural da Deputación da Coruña do ano 2023.
O prazo de solicitude remata o 31 de marzo de 2023 ás 14:00 h.
Finánciase o desenvolvemento de catro programas específicos:
- Escena ao vivo: programación profesioanl de teatro, monicreques, maxia e danza para concellos.
- Visións: programación profesional de cinema e contidos audiovisuais para concellos.
- Alicerce: programación de música, danza e teatro non profesional para concellos e entidades sen ánimo de lucro.
- Lingua a escena: espectáculos profesionais de artes escénicas e música para concellos.
O período de realización dos espectáculos é durante todo o ano 2023 e ata o día 31 de marzo de 2024.
As entidades sen ánimo de lucro poden realizar a súa solicitude a través do programa Alicerce e só poden solicitar un espectáculo (música, danza ou teatro).
A cantidade de financiamento é a seguinte:
- A Deputación financia o 75% do importe do espectáculo para concellos.
- A Deputación financia entre o 30% e o 50% do importe do espectáculo para o caso de entidades.
A consulta dos espectáculos faise na páxina web da Deputación da Coruña, www.dacoruna.gal, dentro do apartado de Cultura ,e dentro deste, en Rede Cultural.
Para facer a solicitude é preciso contar con certificado dixital e farase a través da Subtel da Deputación da Coruña.
Máis información: Departamento de Cultura do Concello (preguntar por Trini) e no BOP do 20 de xaneiro de 2023 (nº 14).