eventos
Coidados porta a porta en Vilasantar
Os días 3, 4, 7 e 8 de agosto o tráiler dos coidados porta a porta estacionarase na explanada do centro de saúde de Présaras para ofrecer asistencia en estimulación da memoria, podoloxía e audioloxía.
Para máis información e pedir cita previa, chama ao 622 748 283 ou 623 546 992 ou escribe un email a coidadosportaaporta.politicasocial@xunta.gal
eventos, Novas
Xa te podes anotar para a Festa dos Maiores!
O sábado 8 de xullo celebraremos a Festa dos Maiores, unha xornada para conmemorar aos nosos e nosas maiores e celebrar, divertirnos, xantar e bailar! Comezará cunha misa na igrexa de Présaras ás 13.00 h, para seguir cun xantar de confraternidade no xardín botánico de Présaras a partir das 14.00 h.
Convidamos a vir a todas as persoas maiores de 60 anos, as homenaxeadas nesta festa. Confirma a túa asistencia chamando ao 981 77 81 69 antes do 3 de xullo! O xantar é de balde para as persoas empadroadas no concello; as non empadroadas con casa en Vilasantar terán que pagar 20€ e, as que non teñan casa, 30€.
eventos
Concurso de disfraces de entroido en Vilasantar 2023
Achégase o Entroido e en Vilasantar organizamos un concurso de difraces!
O sábado, 18 de febreiro, ás 17.00 h, no pavillón polideportivo de Présaras. Non podes faltar! Repartiremos unha morea de premios entre as persoas cos disfraces máis orixinais.
Categorías
a) Categoría de comparsa ou grupo:
- 1º premio: 300 euros
- 2º premio: 200 euros
- 3º premio: 100 euros
b) Categoría individual ou dúo:
- 1º premio: 150 euros
- 2º premio: 75 euros
- 3º premio: 50 euros
Para participar é obrigatorio inscribirse previamente chamando ao Concello de Vilasantar, 981778169 (cultura) ou ben ese mesmo día no lugar de realización ata 10 minutos antes de comezo do concurso. Especificarase o número de compoñentes, o lema de indentificación e un representante.