Novas
O BONO SOCIAL ELÉCTRICO PODERÁ SEGUIR SOLICITÁNDOSE A PARTIR DO 8 DE OUTUBRO
O Concello de Vilasantar e a Fundación Axencia Enerxética Provincial da Coruña (FAEPAC), ante información erróneas emitidas polos medios de comunicación masivos, informa aos seus veciños que poderán seguir solicitando o bono social eléctrico a partir do 8 de outubro. Esta data límite unicamente marca o último día no que se poderá renovar o bono social, para aqueles que xa o gozaban. Chegada esta data aqueles que non renovasen a súa bonificación simplemente deixarán de percibir o desconto na súa factura eléctrica durante os días que transcorran ata que tramiten o bono social e lles sexa aceptada a solicitude.
As condicións para solicitar este novo bono social modificáronse polo que moitas unidades familiares que gozaban do antigo, agora non poderán ser beneficiarios. Por exemplo, según datos da CNMC, había 1,8 millóns de persoas que contaban co bono social por ter unha potencia contratada inferior a 3 Kw e que agora van perder ese dereito dado que no bono actual desaparece esa condición e só se lles concede segundo niveis de renda.
Para recibir asesoramento, os interesados poden pasar pola oficina de Servizos Sociais do Concello de Vilasantar. Ademáis, dentro da web de FAEPAC hai un espazo adicado ao bono social en http://faepac.gal/bono_social onde poden atopar toda a información relativa aos procedementos de solicitude. Así mesmo pódese solicitar asesoramento a través do teléfono 981 102 111 ou ben a través do correo electrónico consulta@faepac.gal.
Novas
AVISO: ZONA DE REESTRUTURACIÓN PARCELARIA DE BARBEITO
Comunícase aos interesados na reestruturación parcelaria da zona de Barbeito-Vilasantar que o xoves 18 de outubro de 2018 as 11:00 h no local social na Escola do Pazo, terá lugar unha reunión informativa e farase entrega dos boletíns actualizados das parcelas de achega.
Novas
RESULTADOS SELECCIÓN PERSOAL AXUDA NO FOGAR
Segundo as bases xerais para a selección de tres auxiliares de axuda no fogar como persoal laboral temporal do Concello de Vilasantar, publicase a lista de puntuación resultando seleccionados os candidatos/as de maior puntuación da fase concurso-oposición:
| 32803810-Z | 22,25 |
| 78781102-F | 19,5 |
| 76514925-C | 17 |
| 36056975-J | 16,75 |
| 78797592-Y | 15,5 |
| 53309386-D | 15 |
| 32777134-H | 12,9 |
| 79339909-Y | 11,25 |
| 51270793-K | 10,5 |
| 51295088-M | 9 |
| 79315484-F | NON PRESENTADA |
Novas
BASES XERAIS PARA A SELECCIÓN DE TRES AUXILIARES DE AXUDA NO FOGAR COMO PERSOAL LABORAL TEMPORAL DO CONCELLO DE VILASANTAR
LISTA DEFINITIVA:
76514925-C
79315484-F
32803810-Z
36056975-J
79339909-Y
51295088-M
32777134-H
53309386-D
51270793-K
78781102-F
78797592-Y
Convócase aos candidatos para a realización das probas selectivas o día 25 setembro 2018, as 09:00h no Concello de Vilasantar.
A comisión seleccionadora estará integrada polos seguintes membros:
Presidenta: MªCarmen Carricajo Alavés. Traballadora Social Concello Vilasantar.
Suplente: Esther Vidal Pandelo Traballadora Social Concello Boimorto.
Vogal: Ana Vázquez Garea. Educadora Familiar Concello Vilasantar.
Suplente: Lourdes García Sánchez. Axente emprego Concello Vilasantar.
Vogal: Mercedes Costoya Cortes. Auxiliar Administrativo Concello Vilasantar.
Suplente: Trinidad Veiras Freire. Técnico de Xestión Cultural e Información Xuvenil Concello Vilasantar.
Secretario: Afonso Bieito Lorenzo Penela do Concello de Vilasantar.
Suplente: Isabel Novo López Funcionaria Concello Vilasantar.
Novas
OBRADOIRO DE EMPREGO
O Concello de Vilasantar, xunto cos Concellos de Curtis e Sobrado vai levar a cabo un OBRADOIRO DE EMPREGO (só para persoas desempregadas maiores de 18 anos) financiado pola Consellería de Economía, Emprego e Industria, e que vai comezar próximamente.
Para poder inscribirse neste Obradoiro de Emprego é imprescindible e moi urxente anotarse como/a desempregado/a na Oficina de Emprego (INEM) de Melide (último día de prazo o 1 de Outubro de 2018) especificando en dita oficina que é para o Obradoiro de Emprego denominado « Terras da Montaña II».
A especialidade que se vai impartir é:
- Actividades auxiliares en viveiros, xardíns e centros de xardinería (20 alumn@s).
Novas
CONCERTO DA BANDA ESCOLA DE MÚSICA DE RIANXO
O vindeiro día 22 de setembro, ás 21:00 horas, terá lugar a actuación da Banda da Escola de Música de Rianxo no Colexio de Présaras. Aberto para todos os públicos.
(Programa da Rede Cultural da Deputación da Coruña). Concello de Vilasantar
Novas
PROBAS PARA O CELGA 2 e CELGA 4″
No Diario Oficial de Galicia do día 14-09-2018, nº 176, publícase a Resolución pola que se convocan as probas para a obtención dos certificados do lingua galega, niveis Celga 2 e Celga 4, para o ano 2018, da Secretaría Xeral de Política Lingüística.
Novas
PECHE PISCINA
A PISCINA MUNICIPAL PECHARÁ O DÍA 23 DE SETEMBRO, DOMINGO.
O HORARIO DA SEMANA DO 17 (LUNS) AO 23 (DOMINGO) SERÁ DE 16:00 A 20:00 HORAS
Novas
Actividades deportivas, sociais e culturais para o período 2018-19
Actividades deportivas, sociais e culturais para o período 2018-19, destacando un ano máis o servizo de MADRUGADORES NO COLEXIO PÚBLICO DE PRÉSARAS DENDE AS 8 da mañá. As actividades darán comezo o luns 1 de outubro e o periodo de inscrición será durante todo o mes de setembro. Destácase a adaptación das actividades para o horario escolar do cole de Présaras.