Novas

A ONU escolleu o 15 de outubro para recoñecer e valorar o incansable labor no plano internacional das mulleres no ámbito rural. Nesta liña, a Federación Española de Municipios e Provincias (FEMP) reafirma o seu compromiso coa promoción da igualdade e o recoñecemento á dedicación e traballo realizado polas mulleres rurais.

Así pois, empoderar ás mulleres rurais é un ingrediente fundamental na loita pola igualdade. A pesar dos avances, continúan vixentes os roles e estereotipos de xénero, que relegan ademais ás mulleres rurais ao ámbito doméstico e familiar.

As mulleres rurais representan unha cuarta parte da poboación mundial, traballando como agricultoras, asalariadas e empresarias. Labran a terra e plantan as sementes que alimentan nacións enteiras. Son piar fundamental na xestión dos nosos recursos naturais, fortalecendo a economía das nosas comunidades e preservando o medio ambiente.

Estas mulleres foron e son esenciais para a supervivencia, prosperidade e fixación da poboación no ámbito rural, sendo estratéxicas na implantación de iniciativas innovadoras en distintos sectores económicos; especialmente na agricultura sostible, vital para as economías locais. Ademais, garanten a seguridade alimentaria das poboacións e axudan a preparar as comunidades fronte ao cambio climático.

Non obstante, pese ao seu rol crucial, gran parte das mulleres rurais afrontan importantes desafíos en termos de acceso a servizos esenciais, educación, atención sanitaria e oportunidades económicas. Así pois, encaran diariamente problemas como o acceso limitado a recursos, situacións de discriminación de xénero e unha maior carga de traballo non remunerado. A maiores, a falta de representación adecuada nos espazos de toma de decisións sigue a ser unha barreira estrutural significativa que limita o seu potencial.

Mundialmente, con poucas excepcións, todos os indicadores de xénero e desenvolvemento mostran que as mulleres rurais atópanse en peores condicións que os homes do campo e que las mulleres urbanas.

Por todo isto, dende os Gobernos locais comprometémonos a desenvolver as seguintes liñas de actuación:

• 1. Promover políticas que faciliten o acceso en igualdade a recursos e servizos para as mulleres rurais, asegurando a súa participación en igualdade na vida económica.
• 2. Estimular o equilibrio nos usos do tempo entre as mulleres e homes, xa que elas adican moito máis tempo ás tarefas de coidados familiares e domésticos.
• 3. Realizar iniciativas de emprendemento e apoiar as que fomenten a educación e formación profesional das mulleres no ámbito rural, garantindo que poidan liderar e beneficiarse de innovacións na agricultura e outros sectores rurais.
• 4. Colaborar con organizacións non gobernamentais e o sector privado, para dar voz ás necesidades específicas das mulleres rurais respecto aos servizos de atención sanitaria, educación e protección contra a violencia de xénero.
• 5. Promover programas de capacitación que permitan o acceso ás novas tecnoloxías, así como facilitar as ferramentas e o apoio á información e formación que facilite a participación no mundo dixital das mulleres no mundo rural.

Como Goberno local, animamos a todas as partes interesadas a sumarse a este compromiso, recoñecendo que o empoderamento da muller no ámbito rural non só é unha cuestión de xustiza social e equidade, senón un requisito indispensable para o desenvolvemento sostible. Solo xuntos e xuntas podemos asegurar que as voces das mulleres rurais sexan escoitadas e que os seus dereitos sexan plenamente recoñecidos e respectados.

Así mesmo, a Federación Española de Municipios e Provincias (FEMP), respalda o liderado e a participación das mulleres rurais á hora de deseñar leis, estratexias, políticas e programas en todos os temas que afectan ás súas vidas.

Neste día especial, a FEMP quere recoñecer o papel desempeñado polas mulleres rurais na nosa sociedade. A súa fortaleza, determinación e traballo continúan alimentando, cultivando e enriquecendo as nosas comunidades.

Comprometémonos a apoialas hoxe e sempre.